Aldaǵy jylý maýsymyna daıyndyqty búginnen bastap pysyqtaýymyz qajet. Aýdanǵa qajetti qatty jáne suıyq otyndardy der kezinde tasymaldap, olardyń qalypty saqtalýyna barlyq jaǵdaı jasalýy tıis. Osy rette ásirese kómirdiń sapasyna mán berilip, bilim berý, densaýlyq saqtaý taǵy basqa da áleýmettik mańyzy bar mekemelerdi gıdravlıkalyq syǵymdaýdan kestege saı júrgizý isi qolǵa alynsyn. Búgin bul týraly apparat otyrysynda Maqtaral aýdanynyń ákimi Jamantaı Beısenbaev málim etti.
Kún tártibindegi birinshi másele – 2018-2019 jyldardaǵy jylý maýsymyna daıyndyq barysy týraly aýdandyq turǵyn-úı komýnaldyq sharýashylyq, jolaýshylar kóligi jáne avtomobıl joldary bólimi bastyǵynyń mindetin atqarýshy Myrzabek Ábishev baıandama jasady. Onyń aıtýynsha, aýdan boıynsha bilim salasynda 125 mektep, 33 balabaqsha jáne 4 mektepten tys mekeme, mádenıet salasynda 56, densaýlyq saqtaý salasynda 131, sport jáne dene shynyqtyrý salasynda 3, jumyspen qamtýdy úılestirý salasynda 1 mekeme bar. Barlyǵy 353 búdjettik mekemelerdi 15 myń 076 tonna qatty otyn men 59 myń 135 lıtr suıyq otynmen qamtamasyz etý josparlanýda.
«Densaýlyq saqtaý salasy boıynsha Myrzakent emhanasyna qarasty Nurlybaev aýyldyq okrýgi Yntaly eldimekenindegi ortalyq ambýlatorıaǵa barlyǵy 3800 lıtr suıyq otyn josparlanǵan. Qazirgi tańda memlekettik satyp alý jumystary júrgizilýde. Josparlanǵan qatty otyn 1785 tonnany quraıdy. Tasymaldaý merzimderi osy aıdyń 27- ne deıin. Myrzakent aýrýhanasyna 609 tonna, Atakent aýrýhanasy 106 tonna, Jetisaı aýrýhanasy 486 tonna, Asyqata aýrýhanasy 530 tonna tasymaldanýy josparlanýda. Kómir baǵasy 10 myń 152 teńge. Kómirdiń túri – Shubarkól. Jalpy qaralǵan qarjy 18 125,0 myń teńgeni qurap otyr», - deıdi Myrzabek Ábishev.
Búgingi tańda aýdandaǵy densaýlyq saqtaý salasyndaǵy 131 medısına mekemesiniń 130-na gıdravlıkalyq syǵymdaý jumystary júrgizilipti. Nátıjesinde 124 nysan jylý berý maýsymyna daıyn ekeni anyqt alyp otyr. Bilim salasynda 1 mektepke ǵana suıyq otyn tasymaldanatyn bolady. Ol Atameken aýyldyq okrýgindegi «Myrzashól» jalpy orta mektebi. Bul bilim uıasyna 55335,5 lıtr suıyq otyn qajet. Osy maqsatqa 8 mln 56 myń teńge qarjy qarastyrylǵan. Al, qalǵan bilim berý mekemelerine 12 myń 930 tonna qatty otyn tasymaldaý josparlanýda. Bul maqsatqa 131 mln 384 myń teńge qarastyrylmaq. Qatty otyndy tasymaldaý jumystary tamyz aıynyń 25 kúnine deıin aıaqtalýy tıis.
Jylý maýsymyna daıyndyq jumystarynyń barysyna qanyqqan aýdan ákimi bilim salasyndaǵy mekemelerdegi jylý júıelerin tolyqtaı syǵymdaýdan ótkizýdi jáne qatty otyndy saqtaý qoımalaryn ázirleýdi tapsyrdy.
«Taıaý kúnderi bilim uıalaryna kómir tasymaldaý jumystary bastalatyn bolady. Alaıda ony qabyldap alýǵa qanshalyqty daıynbyz? Másele osynda. Eger saqtaý máselesine mán bermesek, tasymaldanǵan kómirlerdiń sapasyn joǵaltyp alamyz. Sosyn qystyń kúnderi byqsyp janbaı otyrady. Sondyqtan osyǵan basty nazar aýdarýymyz qajet», - dedi Jamantaı Qanaıuly.
Qazirgi tańda aýdandaǵy 162 bilim berý nysandarynyń 134-i gıdravlıkalyq syǵymdaýdan ótkizilipti. Qalǵan 28 mekteptiń jylý júıelerinde aqaý bar ekeni anyqtalǵan. Osyǵan oraı aǵymdaǵy jóndeý jumystaryn júrgizý maqsatynda smetalyq qujaty ázirlenip, 37 771,0 myń teńge qarjy bóldirýge usynys berilgen.
Al, aýdandaǵy mádenıet úılerine 302 tonna kómir qajet. Sport jáne dene shynyqtyrý salasyndaǵy mektepter gazben jylytylady.
Budan bólek, jeke sektorǵa qajetti qatty otyn kólemi shamamen 85 myń 586 tonnany quraıdy. Endigi kezekte barlyq aýyl okrýgteriniń ákimdikteri Saryǵash aýdanynan turǵyndardy qoljetimdi arzan baǵadaǵy kómirmen qamtamysyz etýi tıis.
