«Komersıalyq emes uıymdar qyzmetiniń máseleleri jónindegi keıbir zańnamalyq aktilerge ózgerister men tolyqtyrýlar engizý týraly» QR Zańy jobasynyń sheńberinde memlekettik áleýmettik tapsyrysty baǵalaý júıesi engiziledi. Zań jobasy 31 mamyr kúni Qazaqstan Respýblıkasy Parlamentiniń Senatynda qabyldandy, dep habarlaıdy Qamshy.kz aqparat agenttigi.
Qazirgi ýaqytta Din isteri jáne azamattyq qoǵam mınıstrligimen baǵalaýdy júrgizýdiń mehanızmderi sıpattalatyn memlekettik áleýmettik tapsyrysty qalyptastyrý, iske asyrýdy baqylaý jáne nátıjelerin baǵalaý erejeleri pysyqtalýda.
Memlekettik áleýmettik tapsyrysty baǵalaý degenimiz – memlekettik áleýmettik tapsyrys sheńberinde jobalardy iske asyrýdan alynǵan nátıjelerdi taldaý. Ol jobanyń tıimdiligin anyqtaý, turǵyndardyń qyzmetterdiń sapasyna qanaǵattaný deńgeıin anyqtaýǵa múmkindik beredi.
Baǵalaý joba aıaqtalǵannan soń memlekettik áleýmettik tapsyrysty iske asyrý esepteri men baqylaý nátıjeleriniń negizinde ótkiziletin bolady. Jobalar ózektilik, jospardyń oryndalýy, jobanyń nátıjesi, qyzmettiń jalǵasý múmkindigi, uzaqmerzimdi oń áleýmettik nátıje múmkindigi jáne t.b. sıaqty arnaıy pysyqtalǵan krıterııler boıynsha sarapshylar keńesimen baǵalanady.
Atalǵan keńester áleýmettik jobalar iske asyrylatyn baǵyttar boıynsha tájirıbesi, rastaıtyn sertıfıkattary bar mamandar qatarynan qalyptasatyn bolady.
Sonymen qosa, sarapshylar baǵalaýynyń qorytyndysy boıynsha memlekettik áleýmettik tapsyrys nátıjelerin baǵalaý jobalaryna qoǵamdyq talqylaý ótkizý jáne onyń esebin memlekettik organnyń resmı saıtynda jarıalaý josparlanýda.
Din isteri jáne azamattyq qoǵam mınıstrligi jobalardy baǵalaý júıesin daıyndaý kezinde halyqaralyq tájırıbe zertteldi dep habarlaıdy. Osyndaı júıe Ulybrıtanıada, Kanada men Horvatıada qoldanylady, olarda áleýmettik jobalardy iske asyrý kezindegi mindetti sharty – turǵyndarǵa tıgizetin áseri men nátıjesi bolyp tabylady.
Qazirgi ýaqytta memlekettik áleýmettik tapsyrysty baǵalaý júıesin engizý úshin Mınıstrlik «Azamattyq qoǵamdy damytý asosıasıasy» ZTB birlesip, bekitilgen memorandýmnyń sheńberinde is-sharalar keshenin uıymdastyrdy.
Sonymen, a.j. 14-18 mamyry aralyǵynda ınteraktıvti túrde memlekettiń barlyq aımaqtarynyń ÚEU qatarynan maman-keńesshiler pýlyn daıyndaý boıynsha oqytý kýrsynyń birinshi kezeńi ótkizildi. A.j. maýsymy men qyrkúıegi arasynda daıarlanǵan maman-keńesshiler aımaqtarda memlekettik áleýmettik tapsyrys sheńberinde iske asyrylǵan ÚEU jobalaryna baǵalaý ótkizedi.
2018 jylǵy qarashaǵa josparlanǵan oqytý kýrsynyń ekinshi kezeńinde ótkizilgen jumystyń nátıjeleri men áleýmettik jobalardy baǵalaýdyń mehanızmderin ary qaraı jetildirý máseleleri qarastyrylatyn bolady.
Oqytý kýrsy aıaqtalǵannan keıin qatysýshylarǵa Qazaqstanda memlekettik áleýmettik jobalardy baǵalaý jónindegi keńesshi sertıfıkattary tabystalady. Sertıfıkattalǵan keńesshiler budan keıin sarapshylar keńesteriniń múshelerine memlekettik áleýmettik tapsyrysty baǵalaý boıynsha oqytý master-klasstaryn ótkizedi.
Memlekettik áleýmettik tapsyrysty baǵalaýdyń aldyn ala nátıjeleri boıynsha eseptik prezentasıa a.j. qarashada Astanada ótetin Qazaqstannyń VIII Azamattyq forýmy barysynda ótkiziledi dep josparlanýda.
Sonymen qosa, memlekettik áleýmettik tapsyrystyń tıimdiligin arttyrý maqsatynda Mınıstrlik ÚEU birlesip, aǵymdaǵy jyly memlekettik áleýmettik tapsyrys salasyndaǵy memlekettik organdardyń ókilderine oqytý semınarlaryn ótkizýdi josparlaýda.
