Óskemende Máskeýden kelgen halyqaralyq deńgeıdegi bes trener oblystyń 272 ınformatıka pániniń muǵalimderine robototehnıka kýrsyn ótkizip jatyr.
LEGO Education Russia&CIS kompanıasynyń jetekshi menedjeri Andreı Lopýhın, Reseı Robototehnıka Asosıasıasynyń Prezıdenti Maksım Vasılev jáne basqa da trenerler óńirimizdegi mektep ustazdaryna robototehnıka pániniń bilim negizderi men jobalardy úlgileý, robot qurastyrý, baǵdarlamalaý baǵyttaryn úıretýde.
«Shyǵys» óńirlik ortalyǵynyń basshysy Muńlyq Asanovanyń aıtýynsha, alty kún boıy ótetin kýrsqa óńirimizdegi tolyq jıyntyqty mektepterdiń muǵalimderi qatysyp otyr.
Aıta ketsek, byltyr oblys ákimi Danıal Ahmetovtyń bastamasymen ótken «Meniń mektebim» jobasy aıasynda «Paryz» qoryna demeýshilerdiń kómegimen qomaqty qarajat jınalyp, sonyń nátıjesinde qaladaǵy ǵana emes, aýyldardaǵy mektepterde de robototehnıka kabınetteri ashylyp, qajetti jıhazdarmen, qural-jabdyqtarmen qamtylǵan edi. Aldaǵy qyrkúıekten bastap oqýshylar osy kabınetterdiń ıgiligin kóretin bolady.
