Qalamyzdaǵy Abaı atyndaǵy ámbebap kitaphanasynda «Rýhanı jańǵyrý» baǵdarlamasyn júzege asyrý aıasynda balalarǵa arnalǵan «Shyǵys Qazaqstannyń ańyzdary men ertegileri» atty kitabynyń elektrondyq nusqasy jaryq kórdi.
Kitaptyń negizgi ereksheliginiń biri- basylym betterinde ılústrasıa retinde qoldanylǵan barlyq sýretterdiń avtory mektep jasyndaǵy balalar bolyp tabylady.

Kez kelgen adamdy beı-jaı qaldyrmaıtyn týyndy da Shyǵys jeriniń kıeli mekenderi men kóne jádigerleri týraly baıandalǵan.

Kitapqa Shyǵys Qazaqstan oblysynyń 15 kıeli oryndary jaıly ańyzdar jınaqtaldy. Solardyń ishinde, Yrǵyzbaı ata kesenesi, Qozy Kórpesh-Baıan Sulý mazary, Shilikti obalary jáne Ablaıkıt bekinisi syndy tarıhı jáne arheologıalyq eskertkishter enip otyr.

Jıyn barysynda SHQO týrısik aqparattyq ortalyǵynyń dırektory Symbat Ramazanov kitapqa qysqasha sholý jasap, kózdiń jaýyn alatyn ádemi kórinisterdi shynaıy beınelegen jas sýretshilerdi arnaıy dıplomdarmen marapattap, baǵaly syılyqtar tabys etti.