Búgin «Semeı ormany» memlekettik tabıǵı orman rezervatynyń dırektory Murat Dáýletov BAQ ókilderimen baspasóz máslıhatyn ótkizip, keshe bolǵan órtke qatysty jýrnalıserge tolyqqandy aqparat berdi.

Budan bólek, qazirgi tańda qalamyzda aýqymdy aýmaqty alyp jatqan orman alqabyn táýlik boıy onlaın rejıminde baqylaıtyn, TMD-da teńdesi joq arnaıy tehnıka qurylǵysy týraly aıtyp berdi. Bul pılottyq baǵdarlama bolyp tabylady eken. Dál osy qondyrǵynyń arqasynda qandaı da bir ottyń ushqyny kóringen, tútindep jatqan jerdi birden anyqtap beredi. Birneshe jyl Semeı aýmaǵynda iri órttiń aldyn alyp otyrýǵa osy bir nemis jerinde jasalǵan tehnıka kóp paıdasyn tıgizipti. Alaıda, bir ókinishtisi Besqaraǵaı, Begen, Bókebaı syndy eldi mekenderde bul qurylǵy joq bolǵandyqtan, órtti baqylaý biraz qıynǵa soǵyp otyrǵan kórinedi.

Aıta ketý kerek, mamandar keshegi oryn alǵan órttiń shyǵýyna adam kináli degen boljam jasap otyr. Sondyqtan orman sharýashylyǵynyń basshylyǵy turǵyndardan qaýipsizdik erejelerin saqtap, ózderi demalyp otyrǵan aýmaq órtke oranyp, janyp ketpeý úshin muqıattylyqty talap etti.