Osydan jıyrma jyl buryn qalamyzdaǵy Qazaq gýmanıtarlyq-zań ınovasıalyq ýnıversıteti qurylǵan bolatyn. Qazirgi tańda bul bilim ordasyn bitirgen talaı azamattar halqyna eleýli qyzmet etip, ártúrli salanyń naǵyz maıtalmandary bolyp otyr. Búgingi kúnge deıin sheteldiń kóptegen oqý oryndarymen ıntegrasıany nyǵaıtyp, stýdentterdiń bilim sapasyna basty nazar aýdaryp keledi. Bıyl dál osy ýnıversıtettiń jıyrma jyldyǵy keń kólemde atap ótý úshin birqatar sharalardy ótkizý josparlanǵan bolatyn. Osyǵan oraı túlekterge dıplom tabystaý rásimi de ózgeshe ótti.

Ortalyq alańda Qazaqstan estradasynyń jaryq juldyzdarynyń qatysýymen «Open air party KazGUIU» atty merekelik konsert uıymdastyryldy. Kesh barysynda Ermak Sálimov jáne de shaharymyzdyń ózge de laýazymdy tulǵalary túrli mamandyqtarda oqyǵan 700-ge jýyq jastarymyzdyń barlyǵyna kópten kútken dıplomdaryn qoldaryna ustatyp, aldaǵy ómirlerine tek sáttilik tiledi.

Qýanyshqa toly keshtiń odan ary ajarlana túsý úshin Álı Oqapov, Marjan Arapbaeva, Erbolat Qudaıbergenov ózderiniń hıt ánderin oryndap, barsha qala turǵyndaryna erekshe atmosfera syılady.