Aýrýhana statýsy men ataýynyń ózgerýine munda ákelingen zamanaýı qural-jabdyqtar sebep bolyp otyr. Sonymen qatar bul jerde endi búkil oblystan kelgen naýqastarǵa qyzmet kórsetiletin bolady.

Bul týraly oblystyq ákimdikte ótken kezekti jıynda oblys basshysy Danıal Ahmetov aıtty.

-Dál osy aýrýhana kesheninde elimizdegi eń tuńǵysh Robotohırýrgıa ortalyǵy jumys isteı bastady. Endi bizdiń dárigerler biliktilikterin odan saıyn arttyra túsýi qajet, ol úshin shetelden bilimderin tolyqtyrýy kerek,-dedi D.Ahmetov.

Oblystyq densaýlyq saqtaý basqarmasynyń basshysy Marat Shoranovtyń aıtýynsha,  Óskemenniń  №1 aýrýhanasy zamanaýı medısınalyq  quraldarmen jabdyqtalýy jaǵynan oblysta ǵana emes, respýblıka kóleminde de aldyńǵy qatarlardyń birinde eken.

-Mekemege jańa statýs berilýi kerek. Onyń qazirgi jumys babyndaǵy ataýy da daıyn tur – Oblystyq mamandandyrylǵan medısınalyq ortalyq,-deıdi basqarma basshysy.