Óskemen qalasynyń ákimi Qýat Tumabaev sot prosesteri  aıaqtalǵansha eńbek demalysyna ketetini týraly málimdeme jasady, dep habarlaıdy Altaınús.

"Qurmetti óskemendikter, jýyqta bolǵan jol-kólik oqıǵasyna baılanysty kóptegen materıaldar jınaldy. Men jol apatyna kýá boldym, marqumnyń týystaryna shyn kóńilmen qaıǵyra otyryp kóńil aıtamyn. Osyǵan baılanysty meniń aınalamda kóptegen qańqý sózder taraı bastady.Memleket qyzmet sapynda júrgendikten meniń is-áreketterim eń aldymen qoǵamdaǵy senimdi kúsheıtýge baǵyttalýy tıis. Sol sebepten men tergeý jumystary  kezeńinde jalaqym saqtalmaıtyn eńbek demalysyna ketý týraly sheshimge keldim", - dedi Qýat Tumabaev.

Endi Óskemen qalasy ákiminiń mindetin ýaqytsha Olga Býlavkına atqarady.

Esterińizge sala keteıik, 15 sáýir kúni kúni keshki saǵat 9 shamasynda Rıdder qalasynda 1999 jylǵy azamatty kólik qaǵyp, ol jedel járdem kelmeı turyp, oqıǵa ornynda qaza tapqan bolatyn. Al sheteldik avtokólik júrgizýshisi Rıdder qalasy ákiminiń orynbasary Baýyrjan Qurmanbaev bolyp shyqqan. Tekserý jumystary onyń kólikti mas kúıinde tizgindegenin kórsetken. Keıin onyń janynda Óskemen qalasynyń ákimi Qýat Tumabaev bolǵany anyqtaldy.