Jezqazǵanda memlekettik-jekemenshik áriptestik aıasynda balalar men eresekterge arnalǵan neıroońaltý ortalyqtary ashyldy, dep habarlaıdy Qamshy.kz aqparat agenttigi.
Qalalyq aýrýhana bazasynda ashylǵan balalar men eresekterge arnalǵan neıroońaltý ortalyqtary alǵashqy kelýshilerdi qabyldaı bastady. Atalǵan ortalyqtardyń jumysymen Qaraǵandy oblysynyń ákimi Erlan Qoshanov Jezqazǵanǵa jumys sapary barysynda tanysty.
«Lých» neıoońaltý ortalyǵy 560 sharshy metr aýmaqta ornalasqan, zamanǵa saı medısına quraldarymen jabdyqtalǵan. Munda aıyna 50 naýqas emdele alady. Ortalyqta mehanoterapıa aımaǵy (býyndardy shynyqtyrý, júristi, júrý negizderin úırený, tepe-teńdikti ustaý úshin ), emdeý-dene shyqtyrý aýmaǵy bar, munda nusqaýshylarmen jeke jáne toptyq túrde mashyqtanýǵa bolady. Ortalyqta eresekter úshin júıke júıesi jáne neırohırýrgıa baǵyttary boıynsha ońaltý kýrsynan ótedi.
Al, ortalyq aýrýhana bazasynda ashylǵan balalardy neıroońaltý ortalyǵy quramyna táýlik boıǵy 38 oryndyq stasıonar kiredi, munda aıyna 76 naýqasqa deıin qabyldanady.
Jezqazǵanǵa sapary barysynda oblys ákimi Erlan Qoshanov sondaı-aq aýrýhana qalashyǵynda boldy. Bul jerde medısına kolejiniń oqý ǵımaraty, qalalyq emhana, konsýltasıalyq-dıagnostıkalyq ortalyq, týberkýlezge qarsy balalar shıpajaıy, JITS ortalyǵy ornalasqan.
Keńestik-dıagnostıkalyq ortalyq jáne jańadan ashylatyn medısınalyq kolej ǵımaratynda qazir jóndeý jumystary júrip jatyr. Aýrýhana qalashyǵy aýmaǵynda balalar alańy jasaqtalady, jaıaý júrginshiler joly jóndelip, aýmaq túgeldeı qorshalady. Jóndeý jumystary aıasynda kelýshilerdiń kólikteri úshin avtoturaqtar da qarastyrylǵan.
Búginde Jezqazǵanda 419 oryndyq stasıonar jumys isteıdi, onda hırýrgıalyq jáne terapevtik baǵyttar boıynsha mamandandyrylǵan jáne kásibı qyzmetter jınaqtalǵan. Ortalyq aýrýhana Jezqazǵan, Sátbaev qalalary, Ulytaý,Jańaarqa aýdandary men Qarajal, Jáırem turǵyndaryna táýlik boıy qajetti shuǵyl kómek kórsetedi.
