Aqordada buqaralyq aqparat quraldary salasyndaǵy Prezıdenttiń syılyqtary, granttary men alǵys hattaryn tapsyrý jónindegi komısıanyń otyrysy ótti. Májilisike QR Memlekettik hatshy Gúlshara Ábdiqalyqovanyń tóraǵalyq etti, dep habarlaıdy QazAqparat.

— Memleket basshysy Nursultan Ábishuly otandyq jýrnalısıkany damytý máselesine zor mán beredi. Osy baǵytta júıeli jumystar júrgizilip keledi. Prezıdenttiń jýrnalıserge arnalǵan syılyqtary men granttary - osyndaı qoldaýdyń aıqyn kórinisi. 2018 jyl Qazaqstan úshin aıtýly oqıǵamen bastaldy. Bizdiń el tuńǵysh ret Birikken Ulttar Uıymynyń Qaýipsizdik Keńesine tóraǵalyq etip, beıbitshilik pen qaýipsizdik jolyndaǵy bastamalardy ilgeriletip keledi. Sondaı-aq, Elbasynyń bes áleýmettik bastamasy aıasynda halyqtyń ál-aýqatyn arttyrýǵa arnalǵan naqty sharalar qolǵa alynyp jatyr. Rýhanı jańǵyrý úderisi de jalǵasyn tabýda. Bıyl búkil Qazaqstan halqy elordanyń 20 jyldyq mereıtoıyn atap ótedi. Osy jáne basqa da ıgi bastamalardy nasıhattaýǵa BAQ ókilderi de qatysady. Prezıdenttiń buqaralyq aqparat quraldaryna arnalǵan syılyqtary men granttaryn tapsyrý barysynda osy aıtylǵan talaptar mindetti túrde eskerilýi kerek, - deıdi G.Ábdiqalyqova.   

Onyń aıtýynsha, Prezıdent syılyǵy úzdik eki jýrnalıske, taǵy eki grant 36 jasqa tolmaǵan jýrnalıske tapsyrylady. Al Elbasynyń alǵysy 4 shyǵarmashylyq ujymǵa beriledi.

«Bıyl syılyqtyń ıegerleri 4 mln-nan alady. Budan bólek, altyn tósbelgisi tabystalady. Al grantqa ıe bolǵandar 3 mln 215 myń teńgeden alady», - dep atap kórsetti G.Ábdihalyqova.

Bıyl komısıa qaraýyna 61 usynym tústi. Sonyń ishinde 47-si jýrnalıserge, al 14-i shyǵarmashylyq ujymdarǵa qatysty. 25 usynym baspasózden tússe, 36-sy - elektrondy BAQ pen telekompanıalar. Komısıa barlyq úmitkerlerdi ashyq daýys arqyly tańdady. Endi, Memleket basshysynyń atyna usynys jiberiledi.