12 maýsymda aımaq basshysy Nurlan Noǵaev aýdandyq máslıhat depýtattaryna óz erkimen laýazymyn bosatqan Syrym Rysqalıevtiń ornyna aýdan ákiminiń kandıdatýrasyn usyndy.

Oblys ákimi Rysqalıevke atqarǵan jumysy úshin alǵys aıtyp, jańa qyzmetinde tabys tiledi. 
Aımaq basshysy depýtattarǵa QR Prezıdenti Ákimshiligimen kelisilgen jańa aýdan ákiminiń kandıdatýrasyn tanystyrdy. Ol- Járdemǵalı Ahmetov.

Depýtattar Ahmetovtiń kandıdatýrasyn qoldady.

Járdemǵalı Ahmetov - 1984 jyly Batys Qazaqstan aýyl sharýashylyǵy ınstıtýtyn ekonomıka jáne aýyl sharýashylyǵyn uıymdastyrý mamandyǵy boıynsha bitirgen. Memlekettik qyzmette uzaq jylǵy eńbek ótili bar.

1976-1978 jyldary Keńes Áskeri qatarynda mindetin ótegen.

1984 -2012 jyldary Jylyoı aýdanynda qatardaǵy ekonomısen bastap aýdan ákiminiń orynbasaryna deıingi laýazymda memlekettik qyzmet atqarǵan.

2012 jyly Isataı aýdanynyń ákimi bolyp taǵaıyndaldy.

2013 jyldyń mamyr aıynda Atyraý oblystyq ekonomıka jáne búdjetti josparlaý basqarmasyna basshy boldy. 

2013 jyldan búginge deıin Jylyoı aýdany ákiminiń orynbasary laýazymynda qyzmet etti.