Prezıdent Zaǵıpa Balıevany laýazymynan bosatty, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

"Memleket basshysynyń ókimimen Zaǵıpa Balıeva Bala quqyǵyn qorǵaý jónindegi ýákil qyzmetinen bosatyldy", - delingen habarlamada. 

Zaǵıpa Balıeva - Parlament Májilisiniń depýtaty. Májilistiń syrtqy ister, qorǵanys jáne qaýipsizdik komıtetiniń múshesi.

1958 jyly 3 qazanda Almaty oblysy Kegen aýdanynyń Jalańash aýylynda týǵan.

 S.M. Kırov atyndaǵy Qazaq memlekettik ýnıversıteti, zańger-quqyqtanýshy, T.Rysqulov atyndaǵy Qazaq ekonomıkalyq ýnıversıtetin bitirgen, ekonomıs-halyqaralyq maman.

 1975-1976 j.j. SKTÝ-de laborant bolyp jumys istegen.

1981-1982 jj. – Jambyl oblystyq qurylys bankinde zańger keńesshi

1982-1986 jj. – Jambyl qalalyq atqarý komıtetinde zańger.

1986-1992 j.j. - Almaty qalalyq atqarý komıtetiniń turǵyn úıdi esepke alý jáne bólý basqarmasynyń ınspektory, bólim meńgerýshisi.

1992-1994 j.j. - Almaty qalasy ákimshiliginiń basshysy apparatynyń Zań bóliminiń meńgerýshisi.

1994-1995 j.j. – XIII saılanǵan Qazaqstan Respýblıkasy Joǵarǵy Keńesiniń depýtaty, Qazaqstan Respýblıkasy Joǵarǵy Keńesiniń Ekonomıkalyq reforma jónindegi komıteti tóraǵasynyń orynbasary.

1995-1996 j.j. –Qazaqstan Respýblıkasy Ortalyq saılaý komısıasynyń hatshysy, tóraıymy.

2005-2009 j.j. – Qazaqstan Respýblıkasynyń Ádilet mınıstri.

2009-2011 j.j. – IV saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi.

2012 jylǵy 20 qańtardan bastap - V saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi.«Nur Otan» Halyqtyq Demokratıalyq partıasynyń múshesi, partıalyq tizim boıynsha saılanǵan.

 «Qurmet», «Parasat», «Kúmis alqa», ordenderimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Konstıtýsıasyna 10 jyl», «Qazaqstan Respýblıkasynyń Táýelsizdigine 20 jyl» merekelik medaldarymen marapattalǵan.