Búgin Otyrar aýdanynda izgilik pen meıirimdilikke toly saýapty is jasaldy. Aýdan ákimdigi janynan qurylǵan «muqtaj azamattardyń jekelegen toptaryna áleýmettik kómek kórsetý» komısıasy arnaýly áleýmettik kútimde jalǵyzilikti qart esebinde turatyn 5 azamattyń turǵyn jaıyn jóndeýden ótkizý jóninde usynys jasaǵan bolatyn. Atalǵan usynys negizinde oraza aıynyń sońǵy kúninde «Qaıyrymdylyq - asyl qasıet» qaıyrymdylyq aksıasy uıymdastyrylyp, baspanalary kúrdeli jóndeýden ótkizilip, qarttarǵa qajetti materıaldyq-áleýmettik kómekter kórsetildi. Osy oraıda aýdan ákimi Aıtahanov Erlan Qýanyshuly bastaǵan bir top kásipkerler men zıaly qaýym ókilderi atalǵan qarıalardy qasıetti aıt merekesimen quttyqtap, shańyraqtaryna bas suqty.
«Aldymen barshańyzdy erteńgi Oraza aıt merekesimen quttyqtaımyn! Aýdandyq búdjetten arnaýly áleýmettik kútimde jalǵyzilikti qart esebinde turatyn 5 azamattyń úıin jóndeý úshin árqaısysyna 200 myń teńge bólingen bolatyn. Árıne, bul qarajattyń jetimsiz ekendigi belgili. Otyrarda kásibin dóńgelentip otyrǵan jany jomart, qoly ashyq kásipkerler az emes. Oraza kezinde bastalǵan osy iske jumyla kirisken azamattar az ýaqytta jóndeý jumystaryn aıaqtady. Osy saýapty iske Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy da muryndyq boldy. Rýhanı qundylyqtarymyzdyń biri «Asar» ádisiniń jańǵyrýyn, qıyndyq kórgen aýyldastaryna járdemdesýdi paryzym dep biletin qazaqy qalpymyzdy kórip otyrmyz. Adamdarǵa qýanysh syılaıtyn osyndaı aksıa keleshekte de jalǵasyn tabady» – degen aýdan basshysy Erlan Aıtahanov arnaıy syı-sıapattaryn da tabys etti.
Jóndeýden ótip, jańa kúıge engen baspanalarǵa shashýyn shashyp, qazynaly qarttarmen birge qýanǵan aýyl turǵyndary da ıgilikti iske alǵystaryn jetkizse, elimen birge emen-jarqyn shattanǵan qarıalar aq batalaryn berip, elge amandyq, jurtqa tynyshtyq, aýdan basshysy men halyqqa máńgilik shýaqty kúnder tiledi.
"Qarttyq jeńip, baspana jaıyn jóndeýge kúsh-qýat jetpeı otyrǵan shaqta qoldaý bildirip, meıirimin tanytqan aýdan basshysy bastaǵan barsha izgilikti el azamattaryna aıtar alǵysym mol. Keń peıildi halqyma da rızamyn. Barshańyzǵa eki dúnıeniń baqytyn násip etsin!"-degen Talapty aýylynyń turǵyny Dúısenkúl Óskenbaeva áje óz tolqynysyn jasyra almady.
Qartyna demeý bola bilgen otyrarlyqtar ıgilikti bastama aldaǵy ýaqytta da jalǵasyn tabatyndyǵyn jetkizdi.
