Ulttyq Bank  ekinshi deńgeıli bankterdiń ahýalyn turaqtandyrýǵa baǵyttalǵan sharalardy ázirleý úshin Eksımbank, Astana Banki jáne Qazaq Banki basshylarymen, aksıonerlerimen kelissózder júrgizip jatyr,  dep habarlaıdy Qamshy.kz aqparat agenttigi. 

Bul týraly Ulttyq bank tóraǵasy Danıar Aqyshev málimdedi

Atalǵan úsh banktiń jańa depozıtterdi qabyldaýǵa arnalǵan lısenzıasy men jeke tulǵalardyń banktik shottaryn ashý klıentter aldyndaǵy mindetterin ýaqytynda oryndamaǵany úshin úsh aı merzimge toqtatyldy. Eksımbank, Bank Astana jáne Qazaq Bank-i úlken qıyndyqtardy ótkerip jatyr, sondyqtan banktiń klıentter aldyndaǵy mindettemelerdi oryndaý ýaqytsha shekteldi.

«Bankterdiń lısenzıalaryn toqtatý sekildi aǵymdaǵy jaǵdaıdyń negizgi sebebi bankterdiń nesıe portfelderiniń sapasynyń tómendiginen. Ádette, problemalyq bankter jaqsy nesıe bermeıdi. Kredıttik portfel ósiminiń kapıtaldy bazanyń nyǵaıýyna qatysy joq. Táýekelderdi basqarý standarttary jáne korporatıvtik basqarý deńgeıi joǵary deı almaımyz, al nesıe portfeliniń sapasy óte tómen bolyp qalady »- dedi Aqyshev.

«Qazirgi ýaqytta biz Eksımbank, Astana Banki, Qazaq Bank-iniń qarjylyq jaǵdaıyn baqylap otyrmyz. Jaǵdaıdy turaqtandyrýǵa baǵyttalǵan sharalardy ázirleý úshin bankterdiń basshylary men aksıonerlerimen kelissózder júrgizip jatyrmyz», - dedi ol.

Qorytyndylaı kele, Ulttyq bank basshysy depozıtterdi qabyldaý úshin QR Ulttyq Bankiniń lısenzıasy bar ekinshi deńgeıli bankteri depozıtterge mindetti kepildik berý júıesine qatysýshylar bolyp tabylatynyn eske saldy.

«Depozıtter, tólem kartochkalaryndaǵy aqshalar jáne jeke tulǵalardyń banktik shottary depozıtterge kepildik berý júıesi arqyly 10 mln. teńgege deıin saqtaıdy», - dep atap ótti QR Ulttyq bankiniń basshysy.