Kóshi-qon zańnamasyn buzǵan 17 myń shetel azamatyna el aýmaǵyna kirýge tyıym salyndy. Bul týraly búgin ishki ister mınıstri Qalmuhanbet Qasymov málimdedi, dep habarlaıdy Sputnik Qazaqstan .
"İshki ister mınıstrligi kóshi-qon legin baqylaýdy kúsheıtti. Byltyr elimizde 2,5 mıllıonnan astam sheteldik bolyp qaıtsa, sonsha shetel azamat bizdiń el arqyly ótken. 20 eldiń azamattary úshin vızasyz kelý tártibi engizildi, 45 eldiń azamaty 30 táýlikke deıin vızalyq rásimdersiz jáne tirkeýsiz júre alady. Osyndaı jaǵdaılar polısıadan kóshi-qon rejıminiń senimdiligin qamtamasyz etýdi jáne zańsyz kóshi-qonǵa qarsy is-qımyldy kúsheıtýdi talap etedi", — dedi Qasymov.
Mınıstrdiń aıtýynsha, kóshi-qon zańyn buzǵan 17 myńnan asa sheteldik Qazaqstanǵa bes jyl boıy kire almaıdy.
"Byltyrdan beri kóshi-qon zańnamasyn buzǵan 141 myń shetel azamaty ákimshilik jaýapqa tartyldy. Olardyń 17 myńnan astamy el aýmaǵynan shyǵaryldy. Bul azamattarǵa 5 jyl boıy Qazaqstanǵa qaıta kirýge tyıym salyndy. Aldaǵy ýaqytta jergilikti atqarýshy organdardyń qoldaýymen óńirlerde arnaıy kóshi-qon qyzmetin kórsetý ortalyqtaryn qurý josparlanǵan. Mundaı pılottyq joba Astanada da iske asady", — dedi ol.
