Svetlana Chernyshova esimdi Qazaqstan týmasy Ystanbul áýejaıynda tabylǵan. Ol esin joǵaltyp alǵan. Bul týraly sol jerde bolǵan kýáger óziniń Facebook paraqshasynda jazdy, dep habarlaıdy Qamshy.kz aqparat agenttigi. 

«11/06/2018 jyl saǵat 9:00-de qazaqstandyq áıeldi áýejaıda kórdim. Onyń basynan bir jaǵdaı ótken. Svetlana Chernysheva esin joǵaltyp alǵan. Áıelde ushaqtyń bıleti boldy, alaıda ushaq onyń júgimen saǵat 01:00-de ushyp ketken. Ystanbuldan Bishkekke barýy kerek bolǵan. Ol – Qazaqstan týmasy», – dep jazdy Facebook qoldanýshysy.

Er adam áýejaı kúzetshilerine mán-jaıdy aıtqannan keıin olar jedel járdem shaqyrǵan.

«Jedel járdem kelip áıeldi aýrýhanaǵa alyp ketti. Áıeldi bireý izdep jatqany anyq. Osy jazbany bólisip jiberińizder. Eger bireý tanyp jatsa, maǵan jazyńyzdar. Oǵan kómegimiz tıedi dep úmittenemin», – dedi er adam.

Onyń postynyń astyna mundaı jaǵdaı Qyrǵyzstan azamatshasynyń da basynan ótkenin jazǵandar boldy.