Aqmola oblysynyń kúsh qurylymdaryn aıaǵynan tik turǵyzyp, dúıim jurtty shýlatqan qaskóı tártip saqshylarynyń kózinshe ózi kepilge alǵan qarıaǵa pyshaq suqpaq bolǵan. Qalanyń bir aýdanynda boı tasalaǵan qaýipti azamat kópke deıin berilmeı, polıseılerdi biraz ábigerge salypty. Oqıǵa kýágerleri bolǵan jaıtty kameraǵa túsirip, áleýmettik jelilerge jarıalaǵan. Qaskóı túrmeden qalaı qashqan? Qylmysker kim jáne ol qazir qaıda? Bul týraly Eýrazıa birinshi arnasy habarlaıdy.

- On chto v zalojnıka vzál kogo da?
- Da, deda vzál v zalojnıka, dedý navernoe let 80.
- Dedý ploho stalo. Nachal padat. On ego nachal podnımat.
- A, onı so vseh storon na nego naletelı.  

Bul oqıǵa kýágerleriniń boljamy. Tal túste túzeý mekemesinen qashqan qylmysker jurtty ábden árege saldy. Boı tasalap júrgende onyń izine polıseıler túsken. Amaly qalmaǵan ol 80 jastaǵy qarıany kepildikke alyp pyshaqtamaq bolady.  
 
Asa qaýipti qylmyskerdiń qashyp ketýi túrme qyzmetkerleri men Stepnogor turǵyndaryn da dúrliktirdi. Resmı organ ókilderiniń málimetinshe tártip saqshylary 26 jastaǵy qylmyskerdi quryqtaý úshin aýqymdy operasıa júrgizgen.

Kóp uzamaı qaýipti qylmysker quryqtaldy. Túzetý mekemesine qaıta barǵysy kelmegen ol, alysqa uzaı qoımapty. Sebebi, qalanyń shyǵa beris barlyq beketterine kúsheıtilgen kúzet qoıylǵan. Qaskóıdiń aram pıǵyly júzege aspady, oqıǵa ornyna jedel jetken arnaıy top ony uzaq ýaqyt aıaldaıtyn turaǵyna alyp ketti. Endi, ol jazasynyń ústine taǵy jaza arqalaıdy.

«Júrgizilgen is-shara barysynda İshki ister organdary qyzmetkerlerimen abaqtydan qashqan sottalýshy qaıda boı tasalap júrgeni anyqtaldy. Keshe 19 saǵat 30 mınýtta Stepnogor qalasynda ustaldy. Arnaıy is shara barysynda qylmysker sol mańdaǵy avto turaq  kúzetshisin kepilge aldy. Biraq, polıseılerdiń der kezinde áreket etý arqasynda turǵyn bosatyldy» - deıdi Aqmola oblysy İshki ister departamentiniń resmı ókili Gúlnár Pınchýk.  

Qorǵaljyn aýdanynyń týmasy 26 jasar Erbolat Qasenov jazasynyń onnan birin de ótemegen eken. Qylmystyq kodekstiń 3 birdeı baby boıynsha isti bolǵan ol endi jaqyn arada abaqtydan bosaýy ekitalaı.  

Elimizde túrmeden qashý oqıǵasy oqtyn oqtyn tirkelip turady. Resmı málimetterge súıensek, jyl basynan beri kolonıalardan 4 qylmysker qashqan. Biraq, barlyǵynyń izi kesilip, qaıta quryqtalypty.