Atmosferalyq fronttardyń ótýine baılanysty 20 maýsymda Qazaqstannyń jekelegen óńirlerinde qubylmaly kún raıy saqtalady. Tek respýblıkanyń batys jáne ońtústik-batysynda jaýyn-shashynsyz aýa raıy boljanady. Keı jerlerinde naızaǵaı, jańbyr, kúshti jel, sondaı-aq daýyl men burshaq kútiledi, dep habarlaıdy Qamshy.kz aqparat agenttigi «Qazgıdromet» RMK-ǵa silteme jasap.

Atap aıtqanda, Jambyl, Ońtústik Qazaqstan oblystarynyń keı jerlerinde jel 15-20 m/s kúsheıip, daýyl kútiledi. Soltústik Qazaqstan oblysynyń keı jerlerinde jel 15-20 m/s kúsheıip, kúndiz daýyl boljanady.

Jambyl oblysynyń keı jerlerinde burshaq jaýýy yqtımal. Kúndiz Qaraǵandy oblysynyń jekelegen jerlerinde burshaq jaýyp, túnde jáne tańertiń tuman kútiledi. Aqmola, Almaty, Pavlodar, Shyǵys Qazaqstan, kúndiz Qostanaı oblystarynyń keı jerlerinde jeldiń ekpini 15-20 m/s artady.

Shyǵys Qazaqstan oblysynyń keı jerlerinde burshaq jaýýy yqtımal.

Sondaı-aq Mańǵystaý oblysynyń basym bóliginde, Atyraý, Aqtóbe, Qyzylorda, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.