Nurlybek Jeńisbek Qazaqstan Respýblıkasy Energetıka mınıstriniń baspasóz hatshysy - baspasóz qyzmetiniń basshysy qyzmetine taǵaıyndaldy, dep habarlaıdy Qamshy.kz aqparat agenttigi mınıstrliktiń baspasóz qyzmetine silteme jasap.
Nurlybek Jeńisbek 1988 jyly týǵan. Abaı atyndaǵy Ulttyq pedagogıkalyq ýnıversıtetti (fılologıa bakalavry) aıaqtaǵan, halyqaralyq qatynastar magıstri (Reseı Federasıasynyń Prezıdenti janyndaǵy Reseı memlekettik qyzmet akademıasy).
Eńbek jolyn 2006 jyly «Qazaqstan» telearnasynda tilshi bolyp bastaǵan. Ár jyldary oblystyq jáne respýblıkalyq telearnalarda redaktor, telejúrgizýshi qyzmetterin atqarǵan. Sonymen qatar, 2013-2017 jyldary Shymkent qalasy jáne Ońtústik Qazaqstan oblysy ákimderiniń baspasóz hatshysy, keńesshisi laýazymdaryn atqarǵan. Sondaı-aq, OQO “Aqparattyq Taldaý” ortalyǵynyń dırektor orynbasary bolyp istegen.
2017 jyldan bastap, QR Eńbek jáne halyqty áleýmettik qorǵaý mınıstriniń baspasóz hatshysy laýazymyn atqaryp kelgen.