14 naýryz-14 maýsym aralyǵynda «Jas Otan» «Elbasynyń bes bastamasy» taqyrybynda vıdeo-baıqaý jarıalady. Birneshe kún buryn baıqaý jeńimpazdarynyń esimderi belgili boldy. Solardyń ishinde Astana qalasynyń İshki ister departamentiniń mamany Erbolat Orymbaev ta bar. Jeńimpazdar marapattaý rásimine Astanaǵa elimizdiń basqa qalalarynan kelip jetti.
Baıqaýǵa Almaty qalasyn qatysqan, qaladaǵy joǵary oqý oryndarynyń birinde dızaın páninen sabaq beretin Aıjuldyz Abykeeva 1-oryn men Canon 7d Mark fotokamerasyn jeńip aldy. 2-orynnyń jáne elektrondy stedıkamnyń ıegeri Qaraǵandy Memlekettik ýnıversıtetiniń 1-kýrs stýdenti Berdibek Qazyǵulov atandy. Ol Mańǵystaý oblysynyń Boranqul aýylynan «Serpin» baǵdarlamasy arqyly oqýǵa túsip, «Aqparattyq tehnologıalar» mamandyǵy boıynsha bilim alýda. Astana qalasynyń İshki ister departamentiniń mamany Erbolat Orymbaev joǵary oqý oryndarynda jataqhanalardyń jetispeýshiligi týraly áleýmettik rolık túsirip, 3-orynǵa berilgen DJI Osmo kamerasyn utyp aldy. Al Dınara Qurmanǵojına usynǵan jumys arnaıy júldege laıyq dep tanylyp, GoPRo ekshn-kamerasyn syıǵa aldy. Alaıda Dınara jaqyn kúnderi relsten shyǵyp ketken Astana-Almaty baǵytyndaǵy poıyzda bolǵandyqtan, Astana qalasyna kelýge múmkindigi bolmady. Ol qazir ózin jaqsy sezinetinin jáne jeńisine óte qýanyshty ekenin jetkizdi. Uıymdastyrýshylar jeńimpazdarǵa shyǵarmashylyq tabys tilep, syılyqqa alǵan tehnıkalarmen túsirilgen sapaly vıdeolardy kútetinderin jetkizdi.
Baıqaýdyń basty maqsaty – jastardy Elbasy jarıalaǵan áleýmettik bastamalarmen, solardyń ishinde, turǵyn úı baǵdarlamasy, bilim berý granty, salyq calý máselesi, shaǵyn jáne orta bıznesti damytý syndy bastamalarmen tanystyrý.
