Elbasy belgilegen strategıalyq reformalardaǵy eń mańyzdysy kásibı jáne tıimdi memlekettik apparatty qalyptastyrý bolyp tabylady. Jastardyń memlekettik basqarýdaǵy úlesin kúsheıtý, jastardyń arasynan daryndy jáne bilikti kadrlardy daıarlaý máselesi birinshi kezektegi mindet bolyp tabylady.

Adam kapıtalyn damytý jáne personaldy kásibılendirý sıaqty máseleler QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamenti bastyshy Á.Kómekbaev qatysýymen osy jyldyń mamyr aıynda Venesıada ótken EQYU-nyń Ekonomıkalyq jáne ekologıalyq forýmynda da talqylandy.

Osyǵan baılanysty, búgin Departament oblys deńgeıinde Túrkistan  ákimdigimen birlese oblystyń 60-qa jýyq memlekettik organdarynyń qatysýymen «Bos memlekettik ákimshilik laýazymdardyń jármeńkesin» uıymdastyrdy. İs-sharada oblystaǵy jergilikti jáne aýmaqtyq memlekettik mekemelerdiń, onyń ishinde aýdan, qala ákimi apparattarynyń ókilderi bos laýazymdaryn usyndy.

Sharanyń negizgi maqsaty - memlekettik qyzmettiń oń ımıjin qalyptastyrý, oblystyń jergilikti jáne aýmaqtyq atqarýshy organdaryndaǵy bos memlekettik ákimshilik laýazymdarǵa ornalasý tártibin jan-jaqty túsindirý, sondaı-aq  óziniń biliktiligi men qabilettiligin, eńbekqorlyǵyn kórsetken árbir azamatqa – memlekettik qyzmettiń múmkindikterin tanystyrý arqyly jastardy memlekettik qyzmetke tarta otyryp, oblystaǵy jumyssyzdyq deńgeıin tómendetý.

Jármeńkeni departament basshysy Álı Amantaıuly ashyp berdi.

Departament memlekettik qyzmetke ornalasýǵa nıet bildirgen azamattarǵa jármenkeni uıymdastyryp qana qoımaı, aldaǵy ýaqytta jastar men memlekettik organdar arasyndaǵy tyǵyz baılanysty ornata otyryp, olardyń qyzmetke kiriskenine deıin súıemeldeýdi kózdeýde.

«Bos laýazymdar jármeńkesine» oblysymyzdaǵy joǵarǵy jáne orta oqý oryndarynyń bitirýshi túlekteri, jasóspirimder úıiniń jastary jáne jumyssyzdyq boıynsha tirkeýde turǵan joǵary bilimdi azamattar shaqyrtylǵan. 

Qazirgi tańda, oblysta barlyǵy 575 memlekettik organda 8769 memlekettik laýazym bar. Atalmysh laýazymdarda 8412 memlekettik qyzmetshi qyzmet atqarsa, 357 (4%) bos laýazym bar.

Sondaı-aq memlekettik qyzmetke ornalasý tártibi jáne oblysymyzdaǵy bos laýazymdar týraly tolyq aqparatpen www.kyzmet.gov.kz siltemesi arqyly tanysýǵa bolady.