«Nıva» men «Lada-granta» kólikteriniń kilti búdjettiń tórtinshi deńgeıin engizgen aýyl ákimderine tabystaldy, dep habarlaıdy pavlodarnews.kz. Jańa tulparlardyń kiltin memlekettik qyzmetshiler kúni  qarsańynda oblys ákimi Bolat Baqaýov tapsyrdy.

– Memlekettiń kúshi onyń qyzmetkerleri men olardyń jumysynyń tıimdi bolýyna baılanysty, - dedi Bolat Baqaýov.

– Tek sonda ǵana elimiz jetistikke jetip, gúldenedi. Qurmetti memlekettik qyzmetkerler, sizder adal eńbekterińiz úshin osyndaı qurmetke laıyqsyzdar. Sizderge alǵysymdy bildiremin. Jalpy búdjettiń tórtinshi deńgeıi 32 aýylda engizilgen. Tórt «Lada-granta» men 16 «Nıva» kólikteri Estaı atyndaǵy mádenıet saraıynan  óz aýyldaryna ketedi. Buǵan basqa, toǵyz kóliktiń kilti  aýyl ákimderine budan buryn tapsyrylǵan, al úsh kóliktiń qujaty ázirlenýde. Pavlodar oblysyndaǵy eń jas ákim Danıar Aıtyshevtyń aıtýynsha, jańa kólik Tereńkól aýylyna der kezinde jetkizilgen. - Kachır aýdanynyń ortalyǵynda segiz myń adam turady, - dedi aýyl ákimi.

– Aýyldy tórtinshi deńgeıge aýdarý jumysy qıyn bolǵan joq. Ol aýyl turǵyndarynan jiberiletin alty salyq túrinen qurylady. Eger de  buryn barlyq qarajat aýdanǵa aýdarylsa, qazir qomaqty soma aýylda qalady. Turǵyndar salyqty ýaqytynda tólep tursa,  tipti jaqsy bolar edi. Mereke qarsańynda pavlodarlyq sheneýnikterge aımaqtyń eń úlken sahnasynda kónserttik baǵdarlama uıymdastyryldy.

Shara barysynda  13 memlekettik qyzmetker oblys ákiminiń qurmet gramotalary men alǵys hattaryn aldy.