Almaty ákimi Baýyrjan Baıbek pen Birikken Ulttar Uıymy IýNISEF balalar qorynyń Qazaqstandaǵy ókili Iýrıı Oksamıtnyı balalar men qala jastaryn bilim, densaýlyq saqtaý jáne áleýmettik qorǵaý salalarynda qoldaý týraly memorandýmǵa qol qoıdy.
Taraptar ózara yntymaqtastyqtyń birqatar baǵyttaryn anyqtady, sonyń ishinde balalardyń jaǵdaıyn monıtorıń júıesi arqyly bilip otyrý, zorlyqqa ushyraǵan nemese kýáger bolǵan balalarǵa qoldaý kórsetýdi uıymdastyrý, balar men jasóspirimder arasyndaǵy sýısıdtiń aldyn alý jáne basqalary.
Ýnıversaldy - progresıvti model aıasynda 5 jasqa deıingi balalarǵa patronajdyq qoldaý boıynsha medısınalyq - áleýmettik qyzmetti keshendi túrde kórsetýdi uıymdastyrý josparlanǵan. Ózgeshe bilim berýdi qajet etetin balalarǵa ınklúzıvti sharalar qabyldanady.
«Birikken bul ıgi qadamnyń balalar quqyǵyn qorǵaý salasynyń jumysyn jandandyrýǵa, Almatyda ár bala úshin jaqsy jaǵdaıdy birdeı jasaýǵa múmkindik beretinine, óskeleń jas urpaqtyń jan - jaqty damýyn qamtamasyz etetinine senimdimin», - dedi Baýyrjan Baıbek.
Qol qoıylǵan memorandým aıasynda Almaty ákimdigi men ı IýNISEF jastardyń resýrstyq ortalyqtary men jastar densaýlyqtary ortalyqtarynyń áleýetterin nyǵaıtýǵa, sonymen qatar ómirlik qıyn jaǵdaı týa qalsa balalardy áleýmettik qorǵaýdyń aıasyn keńeıtýge ýaǵdalasty.
«Eń mańyzdysy, Almatyda júrgizilip jatqan jumystar túpki nátıjege baǵyttalǵan jáne bizdiń uıymnyń fılosofıasyna tolyǵymen saı», - dep atap ótti Qazaqstandaǵy IýNISEF ókili Iýrıı Oksamıtnyı.
Búgingi kúni qalada 400 myńnan astam bala jáne 700 myńnan joǵary 35 jasqa deıingi jas azamattar ómir súrýde. Elimizdiń eń iri megapolısi retinde Almatyda balalar quqyǵyn qorǵaý jónindegi memlekettik saıasat jarqyn kórinis tapqan.
Ótken jyldan bastap «2020 jylǵa deıin jastarǵa qoldaý kórsetýdiń Jol kartasy» baǵdarlamasy qarqyndy júzege asýda, ol óskeleń jas urpaqtyń jan- jaqty jetilýine, megapolıstegi ómirge tez arada beıimdelýine oıdaǵydaı yqpal etýde. Munda jas mamandardy jumysqa ornalastyrýdyń, jas otbasylardyń páter alýynyń, stýdenttik jataqhanalar salýdyń naqtyly sharalary qarastyrylǵan.
Jetimder men ata- analarynyń qaraýynsyz qalǵan balalar úshin ómirlik barlyq jaǵdaılar jasalýda. Turmysy tómen januıalardyń oqýshylaryna kómek kórsetý maqsatynda 2018 jyly jergilikti búdjetten 771,5 mln. teńge qarastyrylǵan.
Erekshe kútimdi qaje etetin balalarǵa basa nazar aýdarylýda. Qalanyń 115 mektebinde ınklúzıvti oqytý uıymdastyrylǵan, 10 zamanaýı ınklúzıvti balalar alańdary salynǵan.
Ótken jyldan beri «Bala bolashaqpen birge» atty delfındik terapıanyń pılotty jobasy qolǵa alynǵan. Bıylǵy jaldan bastap «Erte aralasý» atty áleýmettik qyzmet jumysyn bastady, olar 3 jasqa deıingi álsiz balalarǵa kómek pen qoldaý kórsetýde. Mundaı zamanaýı, keshendi jáne turaqty saýyqtyrý sharalarynyń tıimdiligi 90%-ǵa deıin artyp, múgedektiktiń aldyn alýǵa yqpal etýde.
Sońǵy úsh jylda 12 myń oryndy 350 mektep jasyna deıingi balalar mekemeleri ashyldy. ÚEU men birge balalar úılerin otbasy men balalardy qorǵaý Ortalyqtaryna aınaldyrý aıasynda №1 balalar úıiniń bazasynda pılotty joba júzege asýda.
