Almaty ákimi Baýyrjan Baıbek jumys sapary kezinde megapolıstiń kólik jáne jaıaý júrginshi ınfraqurylymynyń qurylys qarqynyn tekserdi. Birneshe saǵat ishinde qala basshysy Mustafın, Rysqulbekov, Súleımenov, Jandosov jáne Tımırázev kóshelerin aralap shyqty.
Tımırázev kóshesin aralaǵan Baýyrjan Baıbek Manas kóshesiniń buryshyndaǵy maı quıý beketi aldyndaǵy kólik qozǵalysynyń syzbasyn jaıaý júrginshilerge basymdyq berip qaıta qaraýdy, trotýardy qaýipsiz aımaqpen qosa abattandyrýdy usyndy. Jaqyn arada «Atakenttiń» kire beris arkalarynyń alańdaryn jasyldandyrý jumystary bastalady. Megapolıs basshysy merdigerlerdiń nazaryn Jandosov pen Rozybakıev kóshleriniń boıyndaǵy sapasyn salynǵan trotýarlarǵa aýdardy, dál sol kúni olqylyqty joıýdy tapsyrdy.
Kólik reformasy aıasynda BRT jelilerin qaıta jasaý jumystary Mustafın, Rysqulbekov, Súleımenov kóshelerinde júrýde. Jandosov jáne Tımırázev kósheleriniń boıynda BRT jelileriniń qozǵalys bóligin keńeıtý úshin trotýarlar men velojoldar salý, sonymen qatar ınjenerlik júıelerdi qaıta ornalastyrý jumystary atqarylýda. Megapolıs basshysy kóshelerdi rekonstrýksıalaýdyń keshendi júrgizilýi, zańsyz qurylystardyń, qorshaýlardyń alynýy, nysandardyń syrtqy kelbetiniń biryńǵaı arhıtektýralyq stılde bolýy, asfáltty alańdardyń azaıyp, jasyldandyrýdyń artýy tıis ekenin atap ótti.
Jolaýshylar kóligi jáne avtomobıl joldary basqarmasynyń basshysy Talǵat Hoschanov BRT dáliziniń adamdar tyǵyz ornalasqan aýdandardy qamtıtynyn, olarǵa qyzmet kórsetý úshin qoǵamdyq kólikke basymdyq berý qajettigin aıtty. Josparlanǵan 9 shaqyrymnyń uzyndyǵy 2,7 km bolatyn jeriniń qaıta jasalýy arqasynda qoǵamdyq kóliktegi jolaýshylar legi 20%-ǵa artyp, jolǵa ketetin ýaqyt 30%-ǵa qysqarǵan.
«Qazirgi kezde kishi aınalma joldyń ótkizý qabiletin arttyrý úshin jolaıryqtar salynýda, kópir nysandary artýda, tramvaı joldary alynyp, qozǵalys aýmaǵy keńeıýde. Qalanyń barlyq aýdandarynda 157 kóshe jóndelýde. Iaǵnı biz BRT dálizinen ketetin avtomobılder úshin de jaǵdaı jasaýdamyz», - dedi T.Hoschanov.
Birinishi faza baǵytynyń uzyndyǵy 8,7 shaqyrym, ol Mustafın – Súleımenov – Jandosov – Tımırázev kóshelerin Jeltoqsan kóshesine deıin qamtıdy.
Qazirgi kezde jalpy uzyndyǵy 13,2 km bolatyn baǵyttyń ekinshi fazasynyń qurylysyn júrgizý úshin jobalyq-smetalyq qujattar jasalýda, ol Jeltoqsan – Tóle bı – VOAD – Qulja traktin qamtıdy. BRT jelileri úshin 18 metrli avtobýstar júrgizý josparlanǵan.
Keıin BRT jelilerine qyzmet kórsetý úshin júıe ıntegrasıasyna qatysty syıymdylyǵy úlken avtobýstar júrgizý josparlanýda, burylystarda jolaýshylar kóligine basymdyq beriledi.
Eske salsaqi, Almatyda bıylǵy jazda 150-den astam kóshe jóndeledi, 30 km trotýarlar jasalady, 600 aýla kóriktendiriledi. Barlyq jer asty ótpeli joldar kúrdeli jóndeledi, jańa fontandar salynady. Buryn qaıta jasalǵan Panfılov, Jibek Joly, Gogol, Qabanbaı batyr, Baıseıitova, Tólebaev kósheleri men «Astana» alańynan ózge megapolıstiń birqatar negizgi dańǵyldary túgeldeı jańarady.
