Saltanatty shara barysynda Almaty ákimi Baýyrjan Baıbek Qazaqstannnyń memlekettik Rámizderi Otanymyzdyń tarıhy men dástúrin jáne halqymyzdyń qaıtalanbas ereksheligi men ulylyǵyn pash etetinin atap ótti.
«Táýelsizdiktiń alǵashqy kúninen bastap Prezıdenttiń barlyq baǵdarlamalary men reformalary qarapaıym qazaqstandyqtarǵa, eń aldymen jastarǵa baǵyttaldy. Bıylǵy jyly jarıalanǵan Elbasynyń «Bes áleýmettik bastamasy» jas otbasylardyń turǵyn úı jaǵdaıyn jaqsartýǵa, stýdenttik jataqhanalar máselesin sheshýge, sapaly joǵary bilim alýǵa keń múmkindik beredi. Osynaý bazalyq basty negizder árbir jas adamnyń óz áleýetin júzege asyrýǵa, tabysqa jetýine jol ashady», - dep atap ótti megapolıs basshysy.
Aıta keterligi, bıylǵy jyly qalada jastarǵa arnalǵan qalalyq «Almaty jastary» turǵyn úı baǵdarlamasy odan ári jalǵasatyn bolady. Jas otbasylar alǵashqy jarnasyz 5%-dyq nesıemen páter alýlary úshin jergilikti búdjetten 2 mlrd. teńge bólindi. Jeke bala baqshalarda 3 myńdaı balaǵa mektep jasyna deıingi bilim berý úshin memlekettik tapsyrys ulǵaıyp, 850 mln. teńge bólindi. Qart adamdardy megapolıstegi belsendi ómirge tartý úshin aǵa urpaqqa arnalǵan «Belsendi uzaq ómir» arnaıy baǵdarlamasy jasaldy.
Memlekettik Rámizder kúni qurmetine «Halyk Arena» muz kesheniniń sahnasynda áskerı orkstrler ujymdary men qazaq estrada juldyzdary, sonyń ishinde Roza Rymbaeva, Altynaı Jorabaeva, Álı Oqapov jáne basqalary óner kórsetti. Búgin Panfılov kóshesi boıymen Abaı atyndaǵy opera jáne balet teatrynan Jibek joly kóshesine deıin orkestrlerdiń merekelik sherýi ótedi.
