Almatyda memlekettik qyzmetkerler sport túrlerinen synǵa tústi.
Spartakıada «Sporttyq Almaty» baǵdarlamasy aıasynda úshinshi jyl qatarynan uıymdastyrylýda. Shahmat, fýtbol, voleıbol, jeńil atletıka (estafeta 4h100), ústel tenısi, qol kúresi, gir kóterý jáne arqan tartý syndy sport túrlerinen ótken jarystarǵa 1100-den astam adam qatysty. Jalpy sany 45 komanda ózara myqtyny anyqtady. Spartakıada eki kúnge jalǵasyp, RSK jáne QazSTA-da ótti.
Barlyq qatysýshylar óte qyzyqty ári tartysty oıyndardyn kýási bolyp, ýaqyttaryn kóńildi ótkizdi. Spartakıadanyń nátıjesinde quqyq qorǵaý organdarynyń arasynda jalpy komandalyq esepte Almaty qalasynyń tótenshe jaǵdaılar departamenti birinshi oryndy jeńip aldy. Al ekinshi jáne úshinshi oryndarǵa sáıkesinshe ishki ister departamenti men kómek qyzmeti jaıǵasty. Al memlekettik jáne ákimshilik qyzmetkerler arasynda jeńis tuǵyryna Almatynyń memlekettik kirister departamenti kóterildi. Odan keıingi oryndarǵa Almaty qalasy qoǵamdyq densaýlyq saqtaý departamenti men Naýryzbaı aýdanynyń ákimdigi ornalasty. Jeńimpazdar men júldegerlerge dıplomdar, medaldar, syılyqtar jáne kýboktar tabys etildi.
