Almatyda ótken tańǵy jattyǵýǵa sportqa jany qumar jandar tegin qatysýǵa múmkindik aldy.
Tuńǵysh Prezıdent saıabaǵynda tájirıbeli fıtnes-qurylymdaýshylar tańǵy sporttyq jattyǵýdy tegin ótkizdi. Sportpen shuǵyldanýǵa stýdentter jáne zeınetkerler keldi.
«Sportpen aınalysqysy keletinderge biz keshendi dene jattyǵýynyń qalaı jasalatynyn kórsettik. Osy arqyly qazaqstandyqtardy sportqa shaqyratyn «Seniń jańa qyryń» dep atalatyn estafetaǵa úlesimizdi qostyq. Biz otyryp-turý, jyldam adymdaý arqyly, djampıng djek pen jartylaı sekirý jattyǵýlarynyń kómegimen deneniń barlyq bóligin qozǵadyq. Bul jattyǵýlardy jasy da kárisi de esh qıyndyqsyz jasaı alady» - dedi fıtnes-jattyqtyrýshy Denıs Jýrov.
Aıta keteıik, «Sporttyq Almaty» baǵdarlamasy aıasynda Almaty Street Fitness kóshe jattyǵýlary ár jeksenbi kúni ótkiziledi. Shara qala turǵyndary men qonaqtaryna durys jattyǵý tásilderi men tamaqtaný tártibin qalyptastyrýǵa kómektesip, sol arqyly salaýatty ómir saltyn nasıhattaýǵa baǵyttalǵan.
