QR Memlekettik rámizder kúnine oraı dástúrli jeksenbilik velosherý ótti. Shara «Sporttyq Almaty» buqaralyq sportty damytý jobasy aıasynda júzege asyryldy. 300-ge jýyq áýesqoı sportshy bul joly 8 shaqyrym qashyqtyqty baǵyndyrdy. Velosherý «Astana» alańynyń mańynda aıaqtaldy. Máre mejeli ýaqytta jetken Rýslan Leıpovoı sý jańa velosıpedtiń ıesi atandy.

«Bul meniń besinshi velosherýim. Jyl saıyn qatysamyn. Bul jolǵy utysymdy áıelime syılaımyn. Shynymdy aıtsam, bul kútpegen tosyn syı boldy, jeńemin dep oılamap edim.  Qýanyshymda shek joq. Uıymdastyrýshylarǵa alǵys aıtamyn. Buıyrsa,  áıelim ekeýimiz velosherýlerge qatysatyn bolamyz», - dedi Rýslan Leıpovoı.

Merekelik velosherý «KFC Battle» halyqaralyq festıvaline jalǵasty. Jobanyń basty baǵyttarynyń biri sport bolyp tabylady. Festıvál aıasynda 15-25 jas aralyǵyndaǵy qyzdar men uldar strıtbol, vorkaýt jáne taǵy da basqa sport túrlerinen ózara baq synasty.

Aıta ketý kerek, velosherý «Sporttyq Almaty» qalalyq baǵdarlamasy aıasynda bıylǵa josparlanǵan 21 velosherýdiń altynshysy bolyp otyr.