23-24 maýsym kúnderi "Boraldaı saq qorǵandary" arheologıalyq parkinde halyqaralyq «Uly dala – kóshpendiler álemi» etnofestıvali ótedi. Oǵan bir kún ishinde ǵana 15000-nan astam keledi dep kútilýde.
Almatyǵa Vengrıanyń, Monǵolıanyń,Ýkraınanyń, Ózbekstannyń, Bashqurtstannyń, Tyvy men Daǵystannyń,Saha men Altaı Respýblıkasynyń, Qalmaqıa men Býrátıanyń jáne basqalarynyń áskerı dástúrdi saqtaıtyn ókilderi keledi, olar túrik elderiniń kóneden saqtalǵan áskerı óneri men sheberlikterin pash etedi.
Festıvál qonaqtaryna yńǵaıly bolý úshin tańǵy saǵat 8.00-den 19.00-ge deıin "Boraldaı saq qorǵandary" parkine deıin jáne keri baǵytqa tórt núkteden arnaıy avotbýs baǵyttary uıymdastyrylǵan, olar: «Almaty Arena» («Alataý» DÓT kólik alańy), «Almaty-1» temirjol vokzaly (Osıpenko kóshesiniń boıymen,S.Seıfýllın kóshesiniń qıylysy), Ortalyq stadıon (.A.Baıtursynov kóshesi boıymen, Abaı dańǵyly men Sátpaev kóshesiniń arasy) jáne metronyń «Raıymbek» beketi (N.Nazarbaev dańǵyly,Raıymbek batyr dańǵylynan tómen). Jolaqysy 150 teńge.
Almatylyqtar men qala qonaqtary batyrlardyń jekpe- jegine, attyń ústinde turyp jerden tyıyn kóteretin, qarsylasyn ertoqymymen birge attyń ústinen sýyryp alatyn shabandozdardyń sheberligi men eptiligine tánti bolady.
Bulardan ózge, sharaǵa kelgenderdiń árqaısysy óz múmkindigin saralap, túrli saıystarǵa,vıktorınalarǵa qatysyp, baǵaly syılyqtarǵa ıe bolyp, zergerlik buıymdardy, ulttyq taǵamdardy, shaǵyn kıiz úılerdi kóre alady. Úzdik ulttyq kıimge arnaıy júlde qarastyrylǵan. Kishkentaı kórermenderdi kóńildi ári tanymdyq sharalar kútip tur.
« Uly dala – kóshpendiler álemi» etnofestıvali ǵasyrlar qoınaýyn qaıta jańǵyrtady, el tarıhyna degen sezimdi kúsheıtedi, tarıhı saýattylyqty arttyryp, qazaqstandyqtardy patrıotızmge baýlıdy. Kórsetilimderdi tamashalaý - ejelgi qazaq "atraksıonynyń" kórermenine aınalý, úıretilmegen tulpardy baǵyndyrý», - dedi Basqarmadaǵylar.
Festıvál aıasynda sadaqshylar týrnıri, ulttyq qazaq kúresi, báıge, búrkitshiler men ań aýlaıtyn ıtterdiń saıystary uıymdastyrylady. Bulardan ózge, etnıkalyq mýzykanyń álemdik juldyzdarynyń, «Sazgen sazy» etno- fólklorlyq ansambliniń,«Ulytaý», «Alashuly», «Samrad» toptary men basqalary óner kórsetedi.
Shara 23-24 maýsymda saǵat 10:00 den 19.00 –ge deıin Almaty qalasy Alataý aýdanyndaǵy «Boraldaı saq qorǵandary» arhıeologıalyq parkinde ótedi, kirý tegin.
