Almatyda Ujymdyq qaýipsizdik týraly shart uıymyna múshe elderdiń Syrtqy ister mınıstrleri bas qosyp jatyr.

Syrtqy ister mınıstrler keńesiniń kezekti otyrysy QR SİM basshysy Qaırat Ábdirahmanovtyń tóraǵalyǵymen ashyldy.

QR SİM basshysy  RF Syrtqy ister mınıstri Sergeı Lavrovty Reseı kúnimen, fýtboldan álem chempıonatynyń ashylýymen quttyqtady.

Sonymen qatar, Qaırat Ábdirahmanov armán ókili Zograb Mnasakanándy jańa qyzmetimen quttyqtady.

«Sizder qaýyrt sharýalaryńyzǵa qaramastan Almatydaǵy sharaǵa kelip qatysyp jatqandaryńyzǵa alǵys bildiremin. Jumystaryńyzǵa sáttilik tileımin», - dedi Qaırat Ábdirahmanov.

Basqosý kúntizbesinde 12 másele qarastyrylady.

Mınıstrler uıym janyndaǵy syrtqy saıasat máseleleri boıynsha úılestirýdi, sondaı-aq halyqaralyq jáne aımaqtyq qaýipsizdiktiń ózekti máselelerin talqylamaq. Kezdesý barysynda delegattar transshekaralyq syn-qaterler, birinshi kezekte terorıstik uıymdar tarapynan bolatyn qaýip-qaterlerge qarsylyq kórsetý boıynsha tájirıbe almasty.

Sonymen qatar, mınıstrler Ujymdyq qaýipsizdik týraly shart uıymynyń arnaıy jol kartasynda belgilengen «BUU halyqaralyq beıbitshilik qyzmetin damytý múddesinde (2018-2021 jyldarǵa arnalǵan) UQSHU beıbitshilik týdyrý áleýetin paıdalanýǵa jaǵdaı jasaý» taqyrybyn talqylaıdy.

Sondaı-aq, «UQSHU men Halyqaralyq Qyzyl kres pen Jarty aı komıteti men UQSHU arasyndaǵy hattama», «UQSHU múshe elderi múddelerine sáıkes úılestirilgen aqparattyq saıasatty damytý boıynsha sharalar jospary», UQSHU múshe elderiniń zańsyz kóshi-qon salasyndaǵy yntymaqtastyq týraly kelisimdi qarastyrdy.