Almatyda Kókjaılaý shatqalynyń 10 ga jeri İle-Alataýy tabıǵı parkine qaıtarylady. Bul týraly búgin Almaty qalasynyń ákimi Baýyrjan Baıbek «Kókjaılaý» taý kýrortyn damytýǵa arnalǵan jıynda aıtty.

Jıyn barysynda «Almaty Mountain Resorts» JSHS dırektory Naıl Nýrovtyń aıtýynsha, kýrort jobasy alǵashqy nusqasymen salystyrǵanda eki ese ońtaılandyrylǵan.

Qurylys alańy 300-den 30 myń sharshy metrge deıin qysqarǵan. Al shańǵy trassalary 77-den 18 paıyzǵa deıin azaıypty. Budan bólek qonaq úılerdiń syıymdylyǵy 6,5 myń orynnan 250-ge azaıdy. Jalpy 1002 ga jerden 100 ga aýmaq bosatylǵan.

Óz kezeginde ákim Kókjaılaý jerin İle Alataýy parkine qaıtarýly tapsyrdy ári prosestiń shuǵyl oryndalýyn talap etti.

2015 jyldyń kúzinde Almaty ákimdigi «Kókjaılaý» demalys ortalyǵynyń qurylysyn toqtatý týraly habarlaǵan. 2016 jyldyń basynda jobanyń buǵattalǵany jaıly resmı málimdeme shyqty. Keıin atalǵan joba qoǵamdyq talqylaýǵa salyndy.