Áleýmettik jeli jáne birqatar saıttarda Qazaqstan Halyq bankiniń bankomattary qytaı tilinde qyzmet kórsetýdi bastady degen aqparatqa bank óz tarapynan kelesideı jaýap beredi.

Halyq banktiń klıentteri China UnionPay qytaıdyń halyqaralyq tólem júıesiniń kartalaryn qoldanýyna baılanysty, ataýly tólem júıesi shyǵarǵan kartalar arqyly bankomattarda qolma-qol aqsha qarajatyn alý tranzaksıasy jıi júrgizilý esebinen, tek klıentterge yńǵaıly bolý maqsatynda qosymsha qytaı tili engizilgen. Bank bankomattary qytaı tilinde 2006 jyldan bastap qyzmet kórsetýde. Qazirgi tańda banktiń kez kelgen klıenti bankomatta ózine yńǵaıly 4 tildiń birin tańdap qyzmetti tutyna alady. Atap atısaq:
1. Qazaq tilinde
2. Orys tilinde
3. Aǵylshyn tilinde
4. Qytaı tilinde

2018 jylǵy maýsym aıynyń 22 juldyzynda, ıaǵnı búgin, tańǵy saǵat 8 shamasynda Ótegen batyr 82A mekenjaıynda ornalasqan bank bankomatynda, klıenttiń qazaq tilin tańdaý barysynda ókinishke oraı tehnıkalyq aqaýlar oryn alyp, avtomatty túrde qytaı tiliniń tańdalýy jaıynda áleýmettik jelidegi banktiń resmı paraqshasyna shaǵym kelip túsken bolatyn. Oryn alǵan olqylyq tıisti bólimge shuǵyl joldanyp, tolyqtaı bul másele túzetildi. Qazirgi ýaqytta meńzegen bankomat esh aqaýsyz qalypty túrde qyzmet atqarýda. Sondaı-aq, ataýly jaǵdaı tek bir ǵana bankomatta baıqalǵanyn aıta keteıik jáne aldaǵy ýaqytta osy syndy keleńsizdikti boldyrmaý maqsatynda elimizdiń barlyq óńirinde ornalasqan bankomattardy tekserý jumystary júrgizilýde