22 maýsymda Almaty qalasy ákimdiginde qalalyq ákimdik QR BǴM ǴK Fılosofıa, saıasattaný jáne dintaný ınstıtýtymen birlese uıymdastyrǵan «Din salasyndaǵy memlekettik saıasat jáne qoǵamdyq sanany jańǵyrtýdyń ózekti baǵyttarynyń biri retinde «Dinı qyzmet pen dinı birlestikter máseleleri boıynsha QR keıbir zań aktilerine ózgerister men tolyqtyrýlar engizý týraly» Qazaqstan Respýblıkasy Zańynyń jobasy taqyrybyndaǵy» dóńgelek ústel ótti.
Dóńgelek ústeldiń maqsaty - qoǵamdyq sanany jańǵyrtýdaǵy din jáne dinı mádenıettiń rólin talqylaýǵa, zańnyń jańa aspektileri konteksinde zaıyrly Qazaqstandaǵy dinniń fýnksıalaryn túsinýge baǵyttalǵan.
Dóńgelek ústel jumysyna Qazaqstan Respýblıkasy Parlament Senatynyń depýtaty S.M. Ershov, Qazaqstan Respýblıkasy Din isteri jáne azamattyq qoǵam mınıstrliginiń Din isteri komıtetiniń tóraǵasy E.A. Ońǵarbaev, Almaty qalasy ákimdigi janyndaǵy Dinı uıymdarmen baılanys jónindegi keńes músheleri, QR BǴM ǴK «Fılosofıa, saıasattaný jáne dintaný ınstıtýty», D.A. Qonaev atyndaǵy Eýrazıalyq zań akademıasy, ál-Farabı atyndaǵy Qazaq ulttyq ýnıversıtetiniń, Abylaı han atyndaǵy Qazaq halyqaralyq qatynastar men álem tilderi, «Nur-Múbarak» Egıpet ıslam mádenıeti ýnıversıtetiniń ǵalymdary men mamandary, sondaı-aq, din salasyndaǵy qalalyq aqparattyq-túsindirý tobynyń músheleri qatysty.
Dóńgelek ústel jumysyn QR BǴM ǴK Fılosofıa, saıasattaný jáne dintaný ınstıtýtynyń dırektory, saıası ǵylymdar doktory, profesor A.Q. Bıjanov alǵy sózimen ashty. Sondaı-aq, Qazaqstan Respýblıkasy Parlament Senatynyń depýtaty S.M. Ershov sóz sóılep, óz sózinde memlekettiń tutastyǵynyń negizgi qajetti sharttarynyń biri konfesıaaralyq jáne etnosaralyq kelisim ekendigin jáne bunyń sheshimi memleket pen dinniń ózara qarym-qatynasyn naqty erejelengen quqyqtyq erejelerdi zańdy bekitý bolyp tabylatyndyǵyn atap ótti. Almaty qalasy ákimdiginiń atynan qalalyq Din isteri jónindegi basqarmasynyń basshysy A.R. Esenbekov sóz sóıledi.
Dóńgelek ústelde negizgi baıandamashy retinde Din isteri komıtetiniń tóraǵasy E.A. Ońǵarbaev sóz sóılep, qatysýshylarǵa atalǵan zań jobasynyń negizgi aspektilerin tolyq jáne egjeı-tegjeıli baıandamasymen túsindirdi. Óz sózinde atalǵan zań jobasy Elbasynyń tapsyrmalaryn jáne Qazaqstan Respýblıkasy Prezıdentiniń Jarlyǵymen bekitilgen Din salasyndaǵy memlekettiń saıasattyń 2017-2020 jyldarǵa arnalǵan tujyrymdamasyn iske asyrý aıasynda ázirlengenin jáne 12 zańnamalyq aktidegi 53 túzetýden (3 kodeks jáne 9 zań) turatyndyǵyn atap ótti. Sonymen qatar, sózinde zań jobasynyń aıtarlyqtaı mańyzdy normalary – dindi destrýktıvti maqsatta qoldaný múmkindikterin joıýǵa, din salasyndaǵy jumystardy uıymdastyrý kezindegi memlekettik organdardyń quzyrettilikterin naqtylaýǵa jáne dinı birlestikter qyzmetin jeńildetýge baǵyttalǵan túzetýler keltirilgen dep atap ketti.
Dóńgelek ústel qatysýshylary din salasyndaǵy zańnamany jetildirýdiń qajettiligin jáne atalǵan mańyzdy qujattyń qabyldanýyn tolyqtaı qoldap, birqatar eskertýler men usynystar aıtyldy.
Osy rette, A.Q. Bıjanov is-shara qatysýshylaryna alǵysyn bildirip, talqylaý barysynda aıtylǵan usynystar men eskertýler QR Parlamenti Senatyna jáne Din isteri jáne azamattyq qoǵam mınıstrligine muqıat qarastyrý úshin joldanatyndyǵyn atap ótti.
