Pavlodar oblysyna jumys sapary aıasynda "Nur Otan" partıasynyń Hatshysy Tamara Dúısenova N37 JOM İT-synyptyń jumysymen tanysyp, Ortalyq balalar kitapxanasyndaǵy kovorkıng-ortalyqqa bardy.
N37 orta mektepte 1000-nan astam oqýshy bilim alady. Bul jerde Tamara Dúısenovaǵa bilim berýdi sıfrlandyrý aıasynda engizilgen "aqyldy" zamanaýı texnologıalar týraly áńgimelep berdi. Mektep dırektory Láıla Júsipova qr-kod kómegimen mekeme týraly sıfrlyq aqparatty tanystyrdy, sondaı-aq, bıometrlik elektrondyq-iske qosý júıesi - SKÝD-týrnıket týraly aqparatpen bólisti. Mektepte "Kúndelik" jáne "Bilimland" aqparattyq bilim berý júıeleri jumys istep tur, ustazdar úshin zamanaýı, qolaıly jaǵdaı jasaý maqsatynda zamanaýı oqytýshylyq-"Teacher office"-pen jabdyqtalǵan. Kitapxanada kitap qorynyń elektrondyq esebi júrgiziledi, muǵalimderden oqyrmandar úshin esepteıtin qurylǵyny qoldana otyryp, ótinishter túsedi, formýlárlardy avtomatty toltyrý júrgiziledi, qr-code kómegimen elektrondyq basylymdar qoldanylady. Mektep asxanasynda túski asqa tapsyrystyń onlaın-mázirin qalyptastyrýdyń avtomattandyrylǵan júıesi men onlaın rejimde túski asqa tólem júrgizý jumys istep tur. Mektep dırektory sonymen qatar, Tamara Dúısenovaǵa egov.kz portaly arqyly elektrondyq memlekettik qyzmet alý úshin óz-ózine qyzmet kórsetý buryshyn usyndy.
Mektep 49 oqý kabınetimen jabdyqtalǵan, onyń ishinde 8-i mamandandyrylǵan oqý bólmeleri. Tamara Dúısenovaǵa jaqynda ashylǵan ozyq jabdyqpen jabdyqtalǵan zamanaýı synyptardyń jumysy tanystyryldy. Partıa Hatshysy tek kompúter men ınformatıkany ǵana qoldanǵanǵa qaraǵanda, bala kóp bilim alatyn baǵdarlamalandyrý men İT-texnologıalaýdy barynsha tereń oqytý úshin jasalatyn İT-synyptardyń mańyzdylyǵyn jáne ol bilimdi praktıkada da qoldanýdyń yńǵaılylyǵyn atap ótti.
-Pavlodar oblysy bul jobany pılottyq rejımde iske asyrýda. Ózge aımaqtar da bul jumysty bastaıdy, men oblystyq ákimshilik ujymyna, aýdandardyń basshylyǵyna, pedagogterge atalmysh jobanyń osylaı belsendi jumys istep jatqanyna rızashylyǵymdy bildiremin,- dedi Tamara Dúısenova.
N37 mektepke barǵan soń partıa Hatshysy Ortalyq balalar kitapxanasynda jaqynda ashylǵan kovorkıng-ortalyqqa bardy. Ortalyqtyń ashylýyna qatysqan jas kásipker Andreı Belánovskıı kovorkıngterdiń kitapxanaǵa jańa tynys berý úshin, ol jerge jastar kásipkerler men stýdentterdi tartý úshin birigip ashylatyndyǵyn atap ótti.
-Osylaısha birigip jumys isteýimiz bárimizge - turǵyndar men memlekettik mekemelerge de paıdaly, komersıalyq tustary da bar. Batysta kovorkıng-ortalyqtar jaqsy damyǵan, bul qubylys bizge de kelip jetti. Bul úrdis damı beredi degen senimdemin, - dep aǵynan jaryldy Andreı.