Aǵymdaǵy alqabılerdiń qatysýymen 3 qylmystyq is qaralǵan.

Bul aqparatty Almaty qalasynyń Óńirlik komýnıkasıalar qyzmetinde ótken brıfıńte Almaty qalasynyń qylmystyq ister jónindegi mamandandyrylǵan aýdanaralyq sotynyń tóraǵasy Mártbek Kákimjanov aıtty. 

Mártbek Kákimjanov aıtýynsha, Memlekettiń nashaqorlyqqa qarsy saıasatyn júzege asyrý úshin memlekettik organdar men qoǵam birlesip, narkomanıa problemasyn joıýda kúsh jigerin salý kerek.

Almaty qalasy qylmystyq ister jónindegi mamandandyrylǵan aýdanaralyq sotynda 2015 jyly – 3 qylmystyq is, 2016 jyly – 5 qylmystyq is,  2017 jyly – 4 qylmystyq is jáne 2018 jyldyń 6 aıynyń qorytyndysy boıynsha – 3 qylmystyq is alqabılerdiń qatysýymen qaraldy.

Alqabılerge úmitkerlerdi jınaý barysynda negizgi problema, azamattardyń óziniń alqabı retindegi azamattyq boryshyn oryndamaýy jáne sotqa kelmeýleri. Alqabıler ınstıtýtyn túsindirý jáne mamandandyrylǵan sottyń jumysyn kórsetý maqsatynda, sot qyzmetkerlerimen turaqty túrde Ashyq esik kúderi ótkiziledi, shara barysynda kez kelgen qyzyǵýshylyq tanytqan azamat, sot jumysymen jáne sotta qaralyp jatqan ister boıynsha suraqtarǵa jaýap ala alady. Sonymen qatar baspasóz qyzmetkerlerimen qoǵamda qyzyǵýshylyq tanytqan, qaralyp bitken qylmystyq ister boıynsha pres relızder jarıalanady, - dep sózin qorytyndylady Mártbek Áshimuly.

Tóraǵanyń aqparatynsha, Almaty qalasynda 2010 jyldan beri  Qylmystyq ister jónindegi mamandandyrylǵan aýdanaralyq soty jumys atqarýda, megapolıstiń aýmaǵynda jasalǵan asa aýyr sanattaǵy qylmystyq isterdiń barlyǵy  qaralady. Mamandandyrylǵan sot qyzmetinde ony jalpy ıýrdıksıaly sottardan aıyratyn eki ereksheligi bar. Birinshi ereksheligi – qylmystyq isterdegi asa  aýyr sanattaǵy qylmystardyń qaralýy, ıaǵnı, jasaǵan qylmysy úshin qylmystyq jaza 12 jyldan astam merzimge bas bostandyǵynan aıyrý  ne ómir boıy bas bostandyǵynan aıyrý nemese ólim jazasy qoldanylady. Zań shyǵarýshy  asa aýyr qylmystar jasaǵany úshin mundaı qatań jazany kezdeısoq bermeıdi, ádette olar qoǵamǵa qaýiptiligi joǵary jáne halyq arasynda qyzyǵýshylyq týdyrǵan ister.

2018 jyldyń 6 aıynyń qorytyndysy boıynsha barlyǵy 59 is qaralǵan, onyń ishinde qasaqana adam óltirý boıynsha qaralǵan 26 is, barlyq qaralǵan istiń 44 paıyzyn quraıdy. Kóbinese adam óltirý turmystyq, alkogóldi ishimdikten mas kúıde jasalady.

Sonymen qatar, esirtki zattarynyń asa iri mólsherdegi zańsyz aınalymy boıynsha ister barlyq isterdiń aıtarlyqtaı úlesin quraıdy.

Qazirgi tańda esirtkilerdiń zańsyz aınalymymen kúres Qazaqstan Respýblıkasynyń memlekettik saıasatynyń mańyzdy quramdas bóligi bolyp tabylady. Memleket 2017-2022 jyldarǵa arnalǵan Shanhaı yntymastyq uıymyna múshe memleketterdiń esirtkige qarsy strategıasyn qosa alǵanda, esirtkige qarsy kúres salasyndaǵy halyqaralyq jeliler men baǵdarlamalardy qurý men qoldaýda belsendi qatysady,- dep sot tóraǵasy Kákimjanov Mártpek  sózin aıaqtady.