Investısıalar jáne damý mınıstri Jeńis Qasymbek Shýdaǵy poıyz apaty boıynsha júrgizilip jatqan tergeý jumystaryna pikir bildirdi, dep habarlaıdy Qamshy.kz aqparat agenttigi.

 Úkimet otyrysynan keıin jýrnalıser poıyzdyń relsten shyǵyp ketýiniń negizgi sebebin surady.

«Bul apattyń basty sebebi joldyń sapasy ekeni birneshe ret aıtyldy. Qarama-qarsy kele jatqan poıyzben soqtyǵysýy týraly nusqa búgin joqqa shyǵaryldy. Joldyń sapasy – negizgi nusqa. Joldyń jaǵdaıy, kúzde júrgizilgen jóndeý jumystarynyń sapasy, kún saıynǵy tekseris týraly saýaldar apattyń negizgi sebebi sanalady», - dedi Jeńis Qasymbek.

«Kináli kimder?» - dep surady jýrnalıser mınısterden.

«Men sizderge 20 ret aıttym ǵoı. Kimniń kináli ekenin komısıa sheshedi», - dep málimdedi mınıstr.

Jýrnalıserdiń relsterdiń arasy kúnniń ysýynan ashylyp ketýi múmkin degen nusqasyna Jeńis Qasymbek: «Bul fızıka, aýa temperatýrasy kóterilgende mundaı jaǵdaı bolady. Mundaı olqylyqtardy baqylaýda ustaıtyn arnaıy qyzmet bar», - dep jaýap berdi.