Almaty qalasynda «2020 jylǵa deıin jastardy qoldaý jol kartasy» aıasynda «Almaty Jastary» turǵyn úı baǵdarlamasynyń ekinshi kezeńi iske qosylady. Baǵdarlama 35 jasqa deıingi kez-kelgen sanattaǵy almatylyqtarǵa óz páterin satyp alý úshin jeńildikpen nesıe alýǵa múmkindik beredi. Almaty qalasy turǵyn úı jáne turǵyn úı ınspeksıasy basqarmasy men «Turǵyn úı qurylys jınaq banki» AQ yntymaqtastyq týraly tıisti kelisimge qol qoıdy.
Qala jastaryna jeńildikpen nesıe berýge arnalǵan «Almaty Jastary» baǵdarlamasy Almaty qalasynda 2017 jyly qolǵa alynǵan. Ol úshin jergilikti búdjetten 1 mlrd. teńge bólingen.
Baǵdarlama aıasynda 2017 jyly 6657 ótinish túsip, 108 otbasy turǵyn úı satyp alýǵa nesıe aldy.
2018 jyly «Almaty jastary» turǵyn úı baǵdarlamasy boıynsha jergilikti búdjetten 2 mlrd. teńge bólindi.
«Almaty Jastary» baǵdarlamasynyń basty ereksheligi paıyzdyq tólemniń tómendiginde, ıaǵnı jobaǵa qatysýshylar jyldyq mólsher 5% bolatyn 10 mln teńgege deıingi jeńildikpen nesıe ala alady. Baǵdarlama boıynsha nesıeni qaıtarý merzimi tólem qabiletine qaraı 3 jyldan 25 jylǵa deıingi aralyqta jeke jasalynady.
Qujattardy qabyldaý www.almaty-zhastary.kz saıtynda júzege asady, baǵdarlama aıasynda nesıelendirýdiń ashyqtyǵy qamtamasyz etiledi.
2018 jyly baǵdarlamaǵa birqatar jańartýlar engizildi:
• birinshi balaǵa 10 bal, al árbir kelesi balaǵa 20 bal;
• baldyq júıede habarlandyrý shyqqannan bastap nekede 1 jyl turǵan jas jubaılarǵa 30 bal bólý qarastyrylǵan.
Aǵymdaǵy jyly shildeniń 9-y men 20-sy aralyǵynda baǵdarlama aıasynda ótinishter men qujattardy qabyldaý júzege asyrylady.
Baǵdarlamaǵa qatysý týraly ótinish www.almaty-zhastary.kz arnaıy portaly arqyly qabyldanady.
Nesıe tek bastapqy turǵyn úıdi satyp alýǵa múmkindik beredi, ony baǵdarlama qatysýshysy óz betinshe tańdaıdy.
«Almaty Jastary» baǵdarlamasy týraly tolyq málimetti www.almaty-zhastary.kz saıtynan, Almaty qalasynyń Turǵyn úı jáne turǵyn úı ınspeksıasy basqarmasy (www.uzh-almaty.kz) jáne «Qazaqstannyń Turǵyn úı qurylys jınaq banki» AQ (www.hcsbk.kz) telefondary: 300 nemese 8-8000-801-880 (qońyraý shalý tegin), +7 (727) 380 05 23 arqyly bilýge bolady.
