Almatyda kólik qozǵalysynyń Keshendi syzbasyn uıymdastyrý aıasynda kishi kólik aınalymy shekarasyndaǵy Jambyl, Qarasaı batyr, Qabanbaı batyr, Bógenbaı batyr, Gogol, Muratbaev jáne Sháripov kóshelerine birjaqty kólik qozǵalysy engiziledi. Bul týraly Almaty qalasy ákimdiginiń baspasóz qyzmeti habarlady. 

Mysaly, Maqataev kóshesi boıymen Qaldaıaqov kóshesinen Mukanov kóshesine deıin batys baǵytta. Gogol kóshesi boıymen Áýezov kóshesinen Qaldaıaqov kóshesine deıin shyǵys baǵytta.

Bógenbaı batyr kóshesi boıymen Qaldaıaqov kóshesinen Masanchı kóshesine deıin shyǵys baǵytta.

Qarasaı batyr kóshesi boıymen batys baǵytta Masanchı kóshesinen Rozybakıev kóshesine deıin. Jambyl kóshesi boıymen shyǵys baǵytta Rozybakıev kóshesinen Masanchı kóshesine deıin.

Muratbaev kóshesi boıymen Raıymbek dańǵylynan Shevchenko kóshesine deıin ońtústik baǵytta. Sháripov kóshesi boıymen Abaı dańǵylynan Maqataev kóshesine deıin soltústik baǵytta.

Bul shara kereǵar núktelerdi 50% azaıtýǵa, apatty jaǵdaılardy qysqartýǵa, negizgi magıstraldy kóshelerde kólik júktemesin tómendetýge yqpal etedi. Atalǵan ýchaskelerde ortasha jyldamdyqty 12 km/saǵatqa arttyrý ótkizý jolǵa ketetin ýaqytty ortasha 17%-ǵa qysqartyp, ótkizý qabiletin jaqsartady.

Gogol, Maqataev jáne Qabanbaı batyr kósheleri boıynda jolaýshylar kólikteri úshin arnaıy jolaq jasalady, sonyń arqasynda (syzbada kórsetilgendeı) kedergisiz kólik qozǵalysy qamtamasyz etiledi.

Aıta keterligi, qalada jol qozǵalysy qaýipsizdigin qamtamasyz etý úshin jyldamdyqty tómendetý isi qolǵa alyndy, sonyń arqasynda joǵaryda atalǵan ýchaskelerde joǵary jyldamdyq 40 km/saǵat. Kólik qozǵalysynyń jańa syzbasy bıylǵy jyldyń 5 tamyzynda engiziledi.

Eske salsaq, ótken jyly birjaqty kólik qozǵalysy Shevchenko jáne Qurmanǵazy kóshelerine engizilgen edi.