Osydan 10 jyl buryn 6 shilde – Astana kúni memlekettik merekeler tizimine engen bolatyn. Osy kezden bastap bul mereıli data – óńirimizdiń ár túkpirinde keń kólemde toılanyp, túrli merekelik sharalar ótkizilip keledi. Bıyl da bul úrdis jalǵasyn taýyp, elordamyzdyń 20 jyldyq mereıtoıyn Semeı jurtshylyǵy erekshe atap ótti.
Eń aldymen «Biz Astananyń qurdastarymyz » degen uranmen Shákárim ýnıversıtetiniń stýdentteri qalamyzdaǵy Semeı oblystyq tarıhı-ólketaný mádenı mekemesine, M. Áýezov atyndaǵy pedagogıkalyq kolejiniń murajaıyna, sonymen qatar Dostoevskııdiń ádebı-memorıaldyq mýzeıine baryp, tarıh betterinen syr shertetin jádigerlermen tanysty.
Budan keıin Ertis ózeni jaǵalaýynda qala turǵyndyrynyń qatysýymen «Open Air – 2018» festıvali uıymdastyryldy. Shara birneshe bólimdi qamtyp, óte qyzyqty sáttermen este qaldy.
Naqtyraq aıtsaq, 500-ge jýyq jastar bir-birine qyzyldy-jasyldy boıaý shashyp, aınalanyń barlyǵyn ártúrli tústermen árlendire tústi.
Saltanatty jıyn konserttik baǵdarlamamen ulasyp, uıymdastyrýshylar ázirlegen kóptegen saıystarmen jalǵasyn tapty. Sondaı-aq, kesh sońynda baıkerler sherýi ótip, 14 jasqa deıingi búldirshinderimizge tegin balmuzdaqtar taratyldy.
-SHyny kerek, bul festvaldi men uzaq kúttim. Maǵan qazir barlyǵy óte qatty unap jatyr. Kórip turǵandaryńyzdaı, 5 mınýt ishinde adam tanymastaı ózgerip kettim. Bul ıgi shara aldaǵy ýaqytta da jalǵasyn tapsa eken. Uıymdastyrýshylarǵa alǵysym sheksiz, osyndaı joǵary deńgeıde ótedi dep oılamadym,-deıdi sharaǵa qatysýshy Tomırıs Qajybekova
Ǵanıbek Túsipbek
