Elbasy  sot tártibimen qaralýǵa jatatyn daý-damaılardy azaıtý máselesine nazar aýdaryp, sottan tys retteýdiń balamaly tetikterin, sonyń ishinde bitimgershilik jáne medıasıa prosedýralaryn engizý qajettigin aıtqan bolatyn. Osy oraıda BQO-nyń birqatar aýdandarynda medıasıa ortalyqtary ashylýda. Jýyrda Aq Jaıyq óńiri taǵy bir tatýlasý ortalyǵymen tolyqty.  Zelenov aýdanynyń ortalyǵy  Peremetnyı aýylynda medıasıa ortalyǵy ashyldy. Ortalyqtyń ashylý saltanatynda sóz sóılegen Zelenov aýdanynyń  ákimi Asqat Shaharov atalmysh nysannyń mańyzdylyǵyna toqtaldy.

 —Astananyń 20 jyldyǵy merekesine oraı  Tatýlasý ortalyǵyn ashyp otyrmyz. «Sabyr túbi – sary altyn» deıdi halyq danalyǵy. Adam qaı ýaqytta da barlyq isti aqyl-oıǵa júginip, baıyppen sheshýi kerek. Endigi ýaqytta kóptegen máseleler osy ortalyqta sheshiletin bolady. Sol sebepti qoǵam bolyp, ár iste birlik, baısaldylyq tanytýymyz kerek. Ortalyqta elge sózi ótetin ardagerler de barshaǵa aqyl-keńesin beretin bolady, — dedi aýdan basshysy Asqat Berleshuly. Odan soń sharaǵa qatysýshylar bólmelerdi aralap, ortalyq jumysymen tanysty. Shara aıasynda aýdan ákimi A.Shaharov pen aýdandyq sottyń sýdıasy Roza Sarıeva, aýdandyq ishki ister bólimniń basshysy Sary Álisher Saǵyndyquly men aýdandyq kásipodaq uıymynyń tóraǵasy Asylbek Ishanov, aýdandyq ardagerler keńesiniń tóraǵasy Ǵalymjan Meńdalıev pen medıator Amanjol Jumanıazov memorandýmǵa qol qoıdy. Aıta ketý kerek, atalmysh ortalyqta medıator, advokat, aqparattyq kabınet jumys jasaıdy. Osy oraıda aıta ketsek, Qazaqstan Respýblıkasy Joǵarǵy Sotymen júzege asyrylyp jatqan «Sot tóreliginiń jeti túıini» jobasynyń biri «Tatýlasý ortalyǵy» jobasy edi. Jobanyń maqsaty – halyq arasynda daýdy sottan tys sheshý, qoǵamdaǵy qaıshylyqtardy, daýlardy azaıtý ınstıtýttaryn nasıhattaý jáne damytý alańdaryn qurý bolyp tabylady. Endigi ýaqytta jańadan ashylǵan  ortalyqta daýlasýshylardy kelistirý, múmkin bolsa tatýlastyrý, isti sotqa qaratpaı tyńdyrý jumystary júrgiziletin bolady