Aǵymdaǵy jyly 5 naýryzda Memleket basshysy Bes áleýmettik bastamasyn jarıalady. Aıtylǵan sharalar halyqtyń ál-aýqatyn jaqsartýǵa baǵyttalǵan, dep jazady Qamshy.kz aqparat agenttigi QR Ulttyq ekonomıka mınıstrliginiń baspasóz qyzmetine silteme jasap.
Ulttyq ekonomıka mınıstrligine ekinshi baǵyt bekitilgen: «Jalaqysy tómen jumysshylardyń eńbekaqysyn kóbeıtý úshin olardyń salyq júktemesin azaıtý».
Ekinshi bastamaǵa sáıkes, jalaqysy 25 aılyq eseptik kórsetkish nemese 60 125 (alpys myń bir júz jıyrma bes) teńgeden tómen jumysshylar úshin jeke tabys salyǵynyń mólsherlemesin 10 ese tómendetý usynylady.
Jalpy respýblıkada mundaı eńbekaqyny 2 mıllıonnan asa adam alady. Negizinen, bul aýyl sharýashylyǵy men saýdada.
Atalǵan bastamany iske asyrý maqsatynda memlekettik organdarmen jáne «Atameken» Ulttyq kásipkerler palatasymen birlesken jumys júrgizildi.
Jumys nátıjesi boıynsha jalaqysy tómen jumysshylardyń jeke tabys salyǵyn tómendetýdiń ońtaıly tetigi aıqyndaldy.
Máselen, salyq salynatyn tabys 90 paıyzǵa azaıtylatyn bolady. Qalǵan eńbekaqyǵa 10 paıyz mólsherlememen jeke tabys salyǵy salynatyn bolady. Iaǵnı, salyq júktemesi 10 esege tómendeıdi.
2018 jylǵy qarapaıym mysal arqyly JTS usynylǵan esepteýdi qarastyramyz.
Másele, jalaqy aıyna 60 125 (25 aılyq esep kórsetkish) teńgeni quraıdy. Osy somadan 10% mólsherinde mindetti zeınetaqy jarnalarynyń somasy, ıaǵnı 6 013 teńge shegeriledi, qalady - 54 112 teńge. Bul somadan 1 eń tómen jalaqy - eń az salyq salynbaıtyn kiris, ıaǵnı 28 284 teńge shegeriledi. Salyq salynatyn tabys (qoldanystaǵy mehanızm) - 25 828 teńge qalady. Qoldanystaǵy mehanızm boıynsha salyq somasy 25 828 *10% = 2 583 teńge bolady.
Usynylǵan tetikke sáıkes, salyq salynatyn tabysynyń mólsheri 90%-ǵa tómendeıdi: 25 828 - (25 828*90%) = 2 583 teńge. Bul somaǵa jeke tabys salyǵynyń 10% mólsherlemesi boıynsha salyq salynatyn bolady - 2 583*10% = 258 teńge.
İs júzinde salyq mólsheri 10 ese 2 583 teńgeden 258 teńgege deıin tómendeıdi, jalaqy qosymsha 2 325 teńgege ósedi.
Atalǵan tetikti qoldaný qyzmetkerdiń dereý jáne kepildikti qosymsha tabys alýyn (negizgi jalaqy alý kezinde) paıymdaıdy jáne jumys berýshiniń qarjylyq júktemesin ulǵaıtpaıdy.
Sonymen birge, jumys berýshiniń ákimshilik shyǵyndary mınımızasıalandy.
Jalpy respýblıka boıynsha jumysshylar 29 mlrd. teńge shamasynda qosymsha eńbekaqy alatyn bolady.
Salyq zańnamasyna tıisti túzetýler 2018 jyly 2 shildede Memlekettik basshysymen qol qoıylǵan «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańyna kózdelgen.
Atalǵan tetik 2019 jylǵy 1 qańtardan bastap jumys jasaıtyn bolady.
