Bul pikir Azıa men Eýropanyń bilikti medıamenedjerleriniń qatysýymen Astanada ótip jatqan «Azıanyń medıa dıalogy» forýmy aıasyndaǵy  taraptar kezdesýi barysynda aıtyldy. «Qazaq radiolary» JSSH-niń bas dırektory Mádı Manatbekuly men Vetnamdyq VOV3 mýzykalyq arnasy dırektorynyń orynbasary Mr.Tran Nhat Duong bastaǵan top jetekshileri aldaǵy ýaqytta birlese atqaratyn ózara tıimdi jobalardy talqylap, eki jaqty yntymaqtastyq  memorandýmyna qol qoıýǵa kelisti. Endi keleshekte qazaqtyń kúıleri men halyq ánderi Vetnam radıosynyń áýe tolqynynda áýelese, biz Qazaq radıosy arqyly málim de beımálim vet eliniń áýenin tyńdaıtyn bolamyz. Taraptar sonymen qatar mádenıet pen týrızmdi damytýǵa baǵyttalǵan tyń jobalar ázirleýge ýaǵdalasty.

«Vetnam radıosy «Qazaq radıolary» seriktestigi sekildi áleýmettik jáne qoǵamdyq baǵytta jumys isteıdi eken. Olar da radıolaryn san salaǵa jiktep-jiliktepti. Vetnamdyqtardy bizdiń ulttyq jáne klasıkalyq mýzykamyz qyzyqtyryp otyr. Al, bizge olardyń týrızm baǵytyndaǵy baǵdarlamasy kerek. Óıtkeni, Vetnam - Qazaqstan úshin áli tolyq tanylyp úlgermegen el. Sondyqtan, eki eldiń radıolary mádenıet jáne saıahat salasyn qal-qaderinshe dáripteýge kelistik», - dedi «Qazaq radiolary» JSHS-niń bas dırektory  Mádı Manatbekuly.  

Óz kezeginde oıyn ortaǵa salǵan  VOV mýzykalyq arnasy dırektorynyń orynbasary Mr.Tran Nhat Duong myrza:

«Biz qazaq eliniń tórinde tabysty kelisim jasaǵanymyzǵa qýanyshtymyz. Qushaq jaıa qarsy alǵandaryńyzǵa aıtar alǵysymyz sheksiz. Bolashaqta osy kezdesýdiń qorytyndysy boıynsha eki tarap yntymaqtastyq týraly memorandýmǵa qol qoıatyn bolady. Bul qujat - eki eldiń memlekettik radıolary arasyndaǵy baıypty baılanystyń berik irgetasy bolyp qalanatynyna senimdimiz. Eki jaqty kelisim bolashaqta mádenıet pen týrızmniń damýyna ózindik septigin tıgizedi dep oılaımyz. Kezdesýge shaqyrǵandaryńyzǵa rahmet! Keleli keńes qurǵan kezdesý qorytyndysy boıynsha kóp kúttirmeı birlesken jumysty bastaýǵa kirisemiz»,- dep shynaıy rızashylyǵyn bildirdi.