9 shilde kúni Astana qalasyndaǵy «Arman» balalar lagerinde 15 jastaǵy bala soqqyǵa jyǵylyp kóz jumdy. Bul jaıynda Tanıra Bondareva esimdi jeli qoldanýshysy óziniń paraqshasynda jazdy.

«Búgin tańerteń maǵan jantúrshigerlik habarlama keldi. Meniń ulymmen birge lagerge baryp, bir ústelden tamaq iship júrgen balanyń ata-anasy qaıǵydan qan jutyp otyr.

«Arman» lagerinde Semensov Andreı Dmıtrıevıch esimdi 15 jastaǵy balany soqqyǵa jyǵyp, aýlaǵa tastap ketipti. Astana qalasyndaǵy №28 meketptiń oqýshysy. Ómiri endi bastalyp kele jatqan bala edi. Lager qyzmetkerleriniń barlyǵy túsinikteme berýden qorqyp otyr, al ondaǵy kishkentaı balalarǵa birdeı tekst jattatqyzyp qoıǵan. Bir shyndyqty jasyryp otyrǵany anyq. Andreıdiń denesinde saý jeri qalmaǵan, kógergen, urǵan izder kóp. Ol balanyń joǵalǵanyn da eshkim baıqamaǵan, izdeý jumystary keshtetip bastalǵan eken. Bir saǵat ótkennen keıin Andreıdiń denesi tabylyp, Kókshetaýdaǵy máıithanaǵa ata-anasynsyz alyp ketken. Nege balanyń ata-anasyn kútpedi? Balalarǵa Andreıdi esin jıyp, aýrýhanada jatyr dep aıtqan. Ol jaıynda bireýmen talqylaýǵa da tyıym salyp tastapty. Kim? Ne úshin? Ne sebepti balalardy óltiredi? Quzyrly organdar nege únsiz otyr?» - dep jazady jeli qoldanýshysy.