Fýtboldan álem chempıonaty kezinde Horvatıa men Fransıa prezıdenti jańbyrdyń astynda qalǵan ýaqytta, Pýtınniń qolshatyrmen turǵanyn jeli qoldanýshylary qyzý talqylap jatyr. Kóbi Reseı prezıdentiniń áıel adamdy jaýynnyń astynda qaldyrǵanyn aıyptady. Horvatıa men Fransıa prezıdenti jańbyrdyń astynda qalǵan. Ekeýi malmańdaı sý bolǵannan keıin ǵana olarǵa qolshatyr ákep bergen.

Aıta keteıik, buǵan deıin qazaqstandyq sheneýnikter de osyǵan uqsas jaǵdaıdy bastan ótkergen. Sol kezdegi Atyraý oblysy ákiminiń orynbasary Sálimjan Naqpaev jańbyrly kúni ózi qolshatyrdyń astynda turyp, soǵysqa qatysqan qarıa jańbyrdyń astynda qalǵan.

Bul jaǵdaı halyq arasynda qyzý talqylanǵannan keıin Atyraý oblysy ákimdigi túsinikteme berdi.

Onda ákimniń orynbasary soǵys ardageriniń qolshatyrsyz turǵanyn baıqaǵannan keıin kómekshisine qarıany jańbyrdan qalqalaýyn suraǵany aıtylady.

Barsha sheneýnikke AQSH-tyń eks-prezıdenti Barak Obamanyń áreketi úlgi bolarlyqtaı. Obama ushaqtan túskennen keıin jańbyrly kúni eki áıeldi qolshatyrymen ǵımaratqa deıin jetkizip saldy. Prezıdenttiń qolshatyrdy kómekshisine ustatpaǵanyn da halyq joǵary baǵalady.