Jalpy, AQSH prezıdenti D. Tramptyń Helsınkıdegi Reseı prezıdenti V.Pýtınmen kezdesýin álem aqparat quraldary san saqqa júgirtip, alýan áńgimelerdiń tıegi aǵytylǵany aıqyn.

Mundaǵy Pýtınniń AQSH-taǵy 2016 jylǵy prezıdent saılaýyna yqpal etkeni anyq boldy. Reseı prezıdenti qashanǵy ádetinshe bul aqparatty joqqa shyǵaryp, bet baqtyrmasa, al, Tramp bolsa,  birese Pýtındi ashyq qoldap, birese, endi Pýtındi aıamaımyn degen syńaıda qoqan-loqy kórsetken minezi de túsiniksiz kúıinde qalǵandaı...

AQSH prezıdenti kenet 180 gradýsqa kilt burylyp, Pýtındi AQSH-qa osy kúzge resmı shaqyrǵany taǵy qyzyq. Áıteýir, AQSH prezıdenti Reseı prezıdenti dese, salmaǵynan aırylyp qalatyny taǵy da túsiniksiz kúıinde qalap otyr...

Al, AQSH kongresi(bizshe parlamenti) Reseıge sanksıany kúsheıtý týraly aıta bastady. AQSH-tyń zańy boıynsha myń jerden prezıdent bolsa da, kongreske ashyq qarsy shyǵa almaıtyny taǵy bar.

Reseıde nemese bizdegi sıaqty máńgilik kósemder bılikte otyrǵanda, ondaı demokrat depýtattardy osyndaı qadamǵa barǵany úshin sol sátte kúshtep taratyp jiberip, uıymdastyrýshylardyń sońynan shyraq alyp túsetini ótirik emes qoı...

Al, osyǵan qaraǵanda muqıttyń arǵy jaǵyndaǵy AQSH-ta naǵyz demokratıanyń saltanat qurǵany ras bolsa kerek(bul árıne biz sıaqty sary aýyz memleketter úshin arman)!..

Tramptyń nege Pýtınge sonshalyqty emeshegi úzile qaltynyń syry nede eken?..

Bul da  biz úshin jumbaq bolyp qalyp otyr...

Jumash Kókbóri