Astananyń 20 jyldyq mereıtoıyna oraı Almatyda «Qazaqstan Medıa Alánsy» qoǵamdyq birlestigi bekitken radıo habar taratý salasyndaǵy alǵashqy "Tolqyn" syılyǵy tapsyryldy.

Qazaqstan Medıa Alánsy sáýirde respýblıka aýmaǵynda áýe tolqynynda habar taratatyn barlyq radıostansalar arasynda birinshi kásibı syılyqqa shyǵarmashylyq baıqaý jarıalady.

Konkýrs 12 nomınasıa - radıojýrnalısıkanyń barlyq negizgi janrlary (aqparattyq, oıyn-saýyq, mýzykalyq baǵdarlama, reportaj, tok-shoý) boıynsha ótti. Sondaı-aq, basqa da nomınasıalar: «Radıostansany álgeri damytý», «Efırdegi debút», «Úzdik radıodaýys» boldy. «Qazaqstan radıoındýstrıasyn damytýǵa qosqan úlesi úshin» premıasy da jeke taǵaıyndaldy.

Quramyna tanymal jýrnalıser, jetekshi teleradıokompanıalardyń basshylary kirgen qazylar alqasy konkýrsqa jiberilgen 50 shyǵarmashylyq jumyspen tanysyp, on radıostansany jeńimpaz dep tanydy.

Olardyń arasynda - «Astana radıosy», «Radıo NS», «Tengrı FM», «Qazaq radıolary», «Jańa FM», «Classic» radıosy, «Juldyz FM» bar.

«Efırdegi debút» arnaıy nomınasıasyn «Business FM» ıelense, Qazaqstandaǵy jalǵyz balalar radıostansasy «Starkids. FM» «Tyńdarman kózaıymy» atanyp, «Úzdik reportaj» nomınasıasyn jeńip aldy.

Qazaqstan Medıa Alánsynyń basqarma tóraǵasy Armanjan Baıtasov marapattaý rásimin ashty. Ol medıa-qoǵamdastyqqa osy bastamany usyna otyryp, Qazaqstanda ártúrli jýrnalısik syılyqtar, marapattar, festıválder men konkýrstar kóp bolsa da, radıojýrnalısıka salasynda birde-bir mamandandyrylǵan syılyqtardyń bolmaǵanye atap ótti.