Almaty qalasynyń ákimi Baýyrjan Baıbek Nursultan shyńyn baǵyndyrdy. Bul týraly Instagram-daǵy jeke paraqshasynda Álpınızm federasıasynyń vıse-prezıdenti Erjan Erkinbaev jazdy.
«Búgin Almaty ákimimen birge Nursultan shyńyna shyqtyq. Barshańyzdy Astananyń 20 jyldyǵymen jáne Elbasynyń týǵan kúnimen quttyqtaımyz», - delingen jazbada.
Sondaı-aq almatylyqtar 8 shilde kúni ótetin Nursultan shyńyna shyǵý alpınıadasyna shaqyryldy. Bul shara salaýatty ómir saltyn nasıhattaý jáne jastar arasynda belsendi demalysty uıymdastyrý maqsatynda jyl saıyn ótkiziledi. Byltyr alpınıada álemniń túkpir-túkpirinen 5 myń adam jınalǵan bolatyn. Bıyl shyńdy baǵyndyrý sharasy Astananyń 20 jyldyǵyna arnalyp otyr.
