Bas prokýratýranyń quqyqtyq statısıka jáne esep komıtetiniń málimeti boıynsha Almatyda qylmys deńgeıi 2010 jyldan beri tórt ese artqan. Qalalyq qoǵamdyq keńes tóraǵasy Rahman Alshanovtyń paıymynsha onyń ózindik sebebi bar.
«Birinshiden 10 jyl ishinde bizdiń qala geografıalyq turǵyda ósti. 2008 jyly qalada jańa Alataý aýdany, al 4 jyl buryn Naýryzbaı aýdany paıda boldy. Halyq sany shamamen eki ese artty. Ekinshiden Esepke alý ádistemesi de ózgerdi. Iaǵnı, 2014 jyly jańa qylmystyq kodeks kúshine endi jáne qylmysty elektrondy tirkeý engizildi. Búginde bul qalaı jumys isteıdi? Sotqa deıingi tergeýdiń biryńǵaı reestri engizildi, oǵan qylmystyń san alýan túri engiziledi. Bul respýblıka boıynsha engizildi. Osydan qylmystyń óskeni kórinip tur jáne de barsha óńirdegi jaǵdaı osyndaı. Úshinshiden, megapolıs bolǵandyqtan oǵan kelýshiler de kóp, sondyqtan da ishki kóshi-qondy eskergen jón» - dep túsindirdi Alshanov.
Esterińizge sala keteıik, búginde Qoǵamdyq keńes alańynda Almaty qalasynyń qaýipsizdigin jaqsartý boıynsha tyńdaý ótýde.
