Qytaıdyń Szánsı aımaǵynda jerdi únemdeý úshin máıitterdi órteýdi myqtap qolǵa almaq. Qazir jergilikti turǵyndardyń daıyn tabyttaryn kúshtep tartyp alyp jatyr, dep jazady South China Morning Post.

Aımaq bıligi adam qaldyqtaryn joıý úshin tek kremasıa ádisin paıdalanýdy engizbek. 2018 jyldyń qyrkúıek aıynan bastap kremasıany myqtap qolǵa alýdy josparlap otyr.

Sheteldik BAQ-tyń habarlaýynsha, aýyl men Ganchjoý, Szán jáne Ichýn qalalyq óńir turǵyndarynan jerleýge arnalǵan zattar tartyp alyndy. Jınalǵan aǵash tabyttardy ekskavator joq qylǵan. Qarıalar tabyttardy saqtap qalý maqsatynda olarǵa jatyp alǵan, alaıda eshteńege qaramastan tabyttardy tartyp alǵan.

Bılik atalmysh sheshimdi qabyldaǵannan keıin jerleýge arnalǵan zattardy shyǵarýǵa tyıym salynǵan.

Qytaıda jerleýge qatysty mundaı jaǵdaı birinshi ret bolyp turǵan joq. Buǵan deıin Shandýn ólkesinde dástúrli jerleý rásimin ótkizýge tyıym salynǵan. Jańa zańǵa sáıkes, qaıtys bolǵandardyń denesin órtep, onyń týystary kremasıa jasaǵany týraly sertıfıkat kórsetiledi.

Qytaıdyń keıbir adamdary úshin adamdy jer qoınyna ótkizý mańyzdy. Sondyqtan keıbir Qytaı azamattary «adam denesin saýdalaıtyndardan» deneni satyp alyp ony órtep, sertıfıkat alady da týystaryn jasyryn jerge kómedi.

Sáýirde bes er adam Shandýn ólkesinde ólikterdi urlap, saýdalaǵany úshin qamaýǵa alynǵan.