Óskemen qalasynyń 6 jasar turǵyny Raıana Skovorodnıkova búırek qaterli isigine shaldyqqan edi. Ol Japonıa astanasy Tokıo qalasynda kóz jumdy dep jazady Qamshy.kz aqparat agenttigi sputniknews.kz saıtyna silteme jasap. 

Qyzdyń anasy aıtqandaı, Raıana qaterli isikten qaıtys bolmaǵan, búldirshinniń júregi toqtap qalǵan eken.

"Japon dárigerleri qoldan kelgenniń bárin istedi, qasynda bolýyma jaǵdaı jasady. (…) Endi Raıananyń denesin Qazaqstanǵa alyp kelýmen aınalysamyn. Qansha ýaqyt keterin bilmeımin, úıge qaıtqymyz keledi", — dep jazady qyzdyń anasy Ekaterına Kırchenko áleýmettik jelide.

Áıel adam atap ótkendeı, Qazaqstannyń konsýldary máıitti jetkizýge járdemdespek eken.

"Bireýler: "Sol jaqta jerleńder", — deıdi. Oǵan jol bere almaımyn: bul jerde adamdy jerlemeıdi, máıitin órteıdi, munda tipti musylmandar da az. Olaı ete almaımyn", — deıdi Ekaterına Kırchenko.